Roma 2:14 - Sura Malelaha

¹⁴ Tauna au bara to Yahudi barahe moisa Aturana Pue au nauki Musa. Agaiana nauri nodo, masala worihe i peitana Pue Ala. Lawi i lalunda moisatohe babehia au maroa hai au kadake. Iti tongawa lawi hambela-hambela mobabehi worihe apa au maroa nodo au teuki i lalu Aturana Musa. Nauri barahe moisa Aturana Musa au teuki, lalunda haduduanda au mewali nodo Aturana Musa irihira.

Roma 2:14 ပူးပေါင်းရင်းမြစ်များ

Suro 10:35

Hema-hema au mengkoru i Pue Ala hai au manoto babehianda, batena nadoko Pue Ala.

Suro 14:16

Hangkoia Pue Ala mopalikangaa manusia menomba moula peundeanda haduduanda.

Suro 17:30

Hangkoia, menombake i anitu. Nauri nodo, barake nahuku Pue Ala. Ia motuko pea mataNa i kantulita iti. Agaiana ide-ide, Natuduhe ope-ope tauna i humalele dunia bona menosohe hangko i dosanda.

Roma 1:32

Nauri moisatohe aturana Pue Ala au manguli hema-hema au mobabehi nodo hangangaa rahuku mate. Agaiana batenda mobabehi mpaliliu babehia au kadake iti, hai rapokana wori ane ara ranganda au mobabehi nodo.

Roma 2:12

Tauna au mobabehi dosa au bara moisa Aturana Musa, masala worihe hai hintotohe ragaaki hangko i Pue Ala. Hai nahukuhe Pue Ala anti kamadosanda, agaiana barahe Nahuku anti poliunginda Aturana Musa. Nodo wori tauna au mobabehi dosa au moisa Aturana Musa, Nahuku worihe Pue Ala,

Roma 2:15

Hangko i babehianda iti, tongawa kaarana Aturana Musa au teuki i lalunda. Hangko i pekirinda, tongawa wori kaarana aturana Pue Ala i lalunda, lawi hambela-hambela nauli lalunda, “Babehia iti sala,” hai hambela-hambela wori, nauli lalunda “Babehia iti maroa.”

Roma 2:27

Kahopoana, babehianda tauna au barahe to Yahudi ina mopatongawa kamasalanta to Yahudi, lawi nauri molambimoke Aturana Musa au teuki, hai ratilemoke moula atura iti, agaiana ikita worimi au moliungi atura iti. Hai tauna au barahe ratile, ihirari au moula Aturana Pue Ala.

1 Korintu 11:14

Pandirina ane ara hadua tobalilo au ngkalanga weluana, tauli bara hintoto.

1 Korintu 9:21

Ane mopahawena Ngkora Marasa i tauna au bara moisa Aturana Musa, mewalina nodo hadua tauna au bara moula Aturana Musa bona kuantihe mepoinalai i Kerisitu. (Agaiana inee rauli: bara kupeulai hawana Pue Ala. Mengkoru liliuna i hawana Kerisitu.)

Epesu 2:12

I tempo iti, barakau mohintuwu hai Kerisitu. Ikamu tauna au tepairaoa; barakau teimba to Yahudi au napileihe Pue Ala mewali taunaNa. Bara ara kirami i lalu dandina Pue Ala i to Isaraeli. Tuwokau i dunia ide, bara ara peharungami, hai barakau moisa Pue Ala.

Epesu 2:3

Hangkoia, ikita ope-ope nodo wori babehianta. Moula peake peundeana lalunta hai pekirinta au kadake. Nodo ihira, i tempo iti ikita hintoto worike nakarumpui Pue Ala anti babehianta au kadake.

Pilipi 4:8

Kahopoana halalu, kuperapi bona nipailalu liliu hinangkana au maroa hai au hintoto ratoia. Apa au tou, apa au hintoto rabila, apa au manoto, apa au malelaha, apa au merae, hai apa au teadai, itimi au hangangaa nipailalu.