Roma 2:13 - Sura Malelaha

¹³ anti poliunginda Aturana Musa. Lawi bara tauna au mohadi Aturana Musa, au manoto i peitana Pue Ala, agaiana batenda pea tauna au mampeulai Aturana Musa au Naimba manoto i peitaNa.

Roma 2:13 ပူးပေါင်းရင်းမြစ်များ

Lukasi 18:14

Hangko indo, napahopo Yesu lolitaNa, Nauli, “Tou mpuu au Kuuliangaakau: i pesulenda i sounda, toperuru asele itimi nadoko Pue Ala hai Naimba manoto i peitaNa, agaiana toParisi iti, bara nadoko Pue Ala. Lawi hema au mampeindora, ina napaiwoi Pue Ala. Hai hema au mengkaiwoi, ina napaiwongko Pue Ala.”

Lukasi 8:21

Agaiana nauli Yesu, “Hema-hema au mampehadingi hai mampeulai Ngkorana Pue Ala, ihirami halaluNgku hai ihirami inaNgku.”

Yohane 13:17

Ane niisa hai nipeulai paturo ide, ina morasikau.

Suro 13:39

Barake peisa tekabaha hangko i dosanta hai rapakanoto i peitana Pue Ala hangko i pampeulainta Aturana Musa. Agaiana ope-ope tauna au mepoinalai i Yesu, ina tekabahahe hangko i hinangka dosanda hai batena nadokohe Pue Ala, Naimba nodo tauna au manoto.

Roma 10:5

Hangkoia ara lolitana nabi Musa au manguli node: “Hema pea au mampeinao mewali manoto anti peulanda i Aturana Pue Ala molambihe katuwo maroa asala mampeulaihe ope-ope Atura iti.”

Roma 2:25

Ikita to Yahudi, tauli karatilenta ara pobunduana asala mampeulaike Aturana Musa. Agaiana ane taliungi Aturana Musa, karatilenta iti barapi mobundu.

Roma 3:20

Bara ara hadua au manoto i peitana Pue Ala i pampeulaina Aturana Musa. Lawi hangko i atura itimi, taisa kamadosanta.

Roma 3:23

Lawi madosamoke ope-ope, hai barake hintoto molambi kiranta i lalu peawana Pue Ala.

Roma 3:30

Lawi Pue Ala hadua pea, hai Iami au mopamanoto to Yahudi anti pepoinalainda, hai mopamanoto worihe tauna au bara to Yahudi anti pepoinalainda.

1 Korintu 4:4

Kuisa kabulana lalungku, agaiana bara iti au mopamanotona. Pue rai au ina moparesa lalungku manoto ba bara.

Galatia 2:16

Nauri nodo, kiisa kadana babehiangki au maroa ba pampeulaingki Aturana Musa au mopamanotongkai i peitana Pue Ala. Ane taunde mewali manoto i peitana Pue Ala, hangangaa mampoinalaike Kerisitu Yesu. Ido hai mepoinalaimongkai i Kerisitu bona mewalingkai manoto i peitana Pue Ala. Barapi kiharunga peulanta i Aturana Musa, lawi bara ara hadua tauna au mewali manoto i peitana Pue Ala anti peulana i parenta-parenta au ara i Aturana Musa.

Galatia 5:4

Mewali hema pea au mampeulai Aturana Musa bona raimba manoto, lempona mobotuki pohintuwumi hai Kerisitu. Hai barapokau tuwo i lalu kabulana laluNa Pue Ala.

Yakobu 1:27

Ane mampeinaoke mewali tauna au maroa posaraninta hai au bara ara kamakuranta ba kamasalanta i peitana Pue Ala Umanta, idemi au hangangaa tababehi: motulungike anangkoi au ilu hai tobemba au meahi-ahi tuwonda, hai ineeke moula babehianda tauna au barahe moisa Pue Ala.

1 Yohane 2:29

Niisato halalu, Kerisitu mobabehi peundeana Pue Ala. Ido hai niisa wori: ope-ope tauna au mobabehi peundeana Pue Ala, napoanahe Pue Ala.

1 Yohane 3:7

Anangku, inee mpuuhe nipogiangaa tauna mopakanawokau. Tauna au mobabehi peundeana Pue Ala, ihirami au manoto nodo Yesu.