Roma 16:25 - Sura Malelaha

²⁵ Toiami Pue Ala! Lawi Iami au makuasa mopakaroho pepoinalaimi anti Ngkora Marasa au kupahaweakau bona niisa kahemana Yesu Kerisitu. Iatunami parena, tunggaiana Pue Ala iti bara raisa tauna.

Roma 16:25 ပူးပေါင်းရင်းမြစ်များ

Matiu 13:17

Tou mpuu au Kuuliangaakau: hangkoia arahe bosa nabi hai tauna au manoto au mampeinaohe moita apa au niitami, agaiana bara raita. Mampeinao mpuuhe mampehadingi apa au nihadi, agaiana bara rahadi.”

Matiu 13:35

Mewali, tepabukeimi lolita ide au nauki hadua nabi hangkoia: “Ina mololitana hai ngkora pandiri. Ina mopahawena tatangkulera au tewuniangi hungka i pewalina dunia.”

Matiu 20:7

Rahanai: ‘Lawi bara ara au mampopobagongkai.’ Nauli ampu bonde iti: ‘Ane nodo, laomokau mobago i bondeku.’ Lao mpuumohe.

Suro 20:32

Ide-ide, halalu, kupekakaeakau i Pue Ala bona Nakadipurakau. Kuweikau lolita bona mampeulai liliukau Ngkorana Pue au mopakanotoake kabulana laluna Pue Ala irikita. Lawi Pue Ala pea au makuasa mopakaroho lalunta hai moweike pewati au Napasilolongaamohe tauna au Napatani mewali anaNa au malelaha.

Suro 9:20

I wanua Damsik, ia lao i sou-sou penombaa. Inditi mopahawemi bambari kana i Yesu iami Anana Pue Ala.

Roma 11:25

Halalungku hampepepoinalai! Kupeinao mouliangaakau apa tunggaiana Pue Ala au bara raisa tauna hangkoia. Kuuliangaakau ide bona ineekau mampemahile. Bona niisa: ide-ide hanggaa to Yahudi matua lalunda agaiana iti bara mahae, duuna handa kabosanda tauna au barahe to Yahudi au mepoinalai i Yesu hintoto hai tunggaiana Pue Ala.

Roma 14:4

Hai rangami iti, mobago worihe i Pue. Hemakau pane baikau mosalai hangka rangami au mobago i Pue? Ba maroa pobagonda ba bara, iti popakanotona rai Pue au mewali Amputa. Hai batena ina maroa pobagonda, lawi Pue makuasa mopakanoto raranda.

Roma 16:24

[Amputa Yesu Kerisitu, mowatikau hai mamporangai liliukau. Amin.]

Roma 2:16

Nodo wori i alo pebotusi i kahopoa i dunia. I tempo iti, Pue Ala ina mowei kuasa i Yesu Kerisitu bona mobotusi ope-ope au tewuniangi i laluna manusia. Itimi Ngkora Marasa au kubambari.

1 Korintu 1:23

Agaiana ikami, mopahawe peangkai kapatena Kerisitu au rapaku i kau mombehape. Bambari iti rapokakoinao to Yahudi, hai i tauna au barahe to Yahudi, bambari iti raimba pea lolita tontuli.

1 Korintu 2:7

Au kipahaweakau, iami kapande au hangko i Pue Ala. Mopahawengkai tunggaiana Pue Ala moweike katuwo au meawa i alo au ina mai. TunggaiaNa iti, bara mani raisa tauna hangkoia. Agaiana hangko damani dunia ide rapopewali, Pue Ala mopakanoto amimi kaina Naweinta katuwo au meawa iti.

1 Korintu 4:1

Ane ikami, agina niuli peamongkai hawi, lawi hawinangkai Kerisitu, au Naharungangkai moanti bambari hangko i Pue Ala au bara mani raisa tauna i dunia.

2 Korintu 4:3

Ane Ngkora Marasa au kibambari, bara rapoinalai hai radoko tauna, iti mewali pea i tauna au tanganda monontohi kahurewu, lawi tetuko pekirinda.

2 Korintu 4:5

Barangkai mopahawe bambari kana i watangki haduduangki. Agaiana mopahawengkai bambari au manguli: Yesu Kerisitu iami Pue. Hai ikami ide mewalimongkai hawimi moula hawana Yesu.

Galatia 2:2

Laona i Yerusale lawi Napatongawami Pue Ala iriko hangangaa laona. Kahawengku i Yerusale, kupombelambiamohe penatua hai mogombongkai. Kupahaweamohe kana i pobambaringku Ngkora Marasa i tauna au barahe to Yahudi. Kupahaweahe lawi kupokalanga: paturongku ina rasalai duuna barapi ara bunduna pobagongku mopaturo tauna kana i Ngkora Marasa, maroa au roomi kupobago, maroa au tangana mani kupobago.

Epesu 1:9

Moula peundeaNa, Napopaisaamoke tunggaiaNa au tewuniangi mani. TunggaiaNa iti iami bona hinangkana, maroa au i suruga ba i dunia, ina Napahintuwuhe hai Kerisitu au mewali tadulako i hinangkana. Hai tunggaiaNa iti batena Napopewali melempo i Kerisitu ane hawemi tempona.

Epesu 3:11

Pue Ala mobabehi ope-ope iti moula tunggaiaNa au Napakanotomi hangko damani dunia rapopewali, hai tunggaiaNa iti Napopewali i lalu watana Kerisitu Yesu Amputa.

Epesu 3:9

Nawei worina Pue Ala bago mopakanotoahe ope-ope tauna, noumba Pue Ala au mampopewali langi hai tampo ina mampobago tunggaiaNa au tewuniangi hangkoia.

Epesu 6:19

Hai nipekakaea worina bona i tempoku mololita, Pue Ala moweina lolita au manoto bona datina langa mopahawe Ngkora Marasa au tewuniangi hangkoia.

Kolose 2:2

Tunggaiaku bona maroho lalumi hai mombepokaahikau, alana mohintuwukau hadua hai hadua. Peundeaku bona tongawa i lalumi tunggaiana Pue Ala au tewuniangi hangkoia hai bara bata-bata lalumi; tunggaiaNa iti bona moisakau Kerisitu.

Kolose 4:3

Hai nipekakaea woringkai bona nabungkahiangkai Pue Ala rara mopahawe NgkoraNa au mampololita tunggaiaNa au napabukei Kerisitu. Hangkoia tunggaiaNa iti tewuniangi mani, agaiana ide-ide bambari kana i Kerisitu kupahawemi. Ido hai ratarungguna.

1 Tesalonika 3:13

Pue, kiperapi bona Nupakaroho lalunda bona malelahahe hai bara ara kamasalanda i lindoMu ane hawe hule Pue Yesu hai ope-ope taunaNa au malelaha. Amin.”

2 Tesalonika 2:14

Nakakiokau Pue Ala i lalu pohadimi Ngkora Marasa au kipahaweakau bona molambikau kirami i peawana tuwona Amputa Yesu Kerisitu.

2 Tesalonika 3:3

Pue Yesu bara mokabaha pekadipuraNa irikamu. Ia ina mopakaroho lalumi hai mampeparaikau hangko i Datu Tokadake.

2 Timotiu 1:9

Nahoremamoke Pue Ala hangko i dosanta hai Nakakiomoke mewali taunaNa au malelaha. Barake Nahorema hai Nakakio anti kamaroana babehianta. Agaiana iti Nababehi anti kabulana laluNa moula tunggaiaNa. Lawi hangko damani dunia ide rapopewali, arami tunggaiana Pue Ala mopahintuwuke hai Kerisitu Yesu anti kabulana laluNa.

2 Timotiu 2:8

Hangangaa nukatuinao: Yesu Kerisitu, Datu Topehompo, pemuleana Datu Daudi, au tuwo hule hangko i kapate. Itimi ihi Ngkora Marasa au kibambari.

Titu 1:2

Ido hai taharunga kaina molambita katuwo maroa au bara mokahopoa, nodo au nadandiake Pue Ala hangko damani dunia ide Napopewali. Hai Pue Ala bara modongko.

Ibarani 7:25

Ido hai Nabuku mokabahake hangko i huku dosanta hai moweike katuwo maroa au bara ara kamakurana, asala mohungkukike Pue Ala i lalu hangana Yesu. Lawi Ia au tuwo i hae-haena hai mamperurui liliuke i lindona Pue Ala.

1 Peturu 1:20

Hangko damani dunia rapopewali, Yesumi au napakanoto Pue Ala mewali Topehompo. Ide-ide, i tempona hungkumi kahopoa dunia, Ia hawemi bona mohuru dosami.

1 Peturu 5:10

Hai ane liumi kapari au hampalai iti, Pue Ala ina mopahandai apa au makura irikamu. Lempona, Ia ina mopakaroho pepoinalaimi, mopamanoto tuwomi hai mopatetida lalumi. Lawi Pue Ala iami pongkana ope-ope ahi. Ia mokakiokau mewali anaNa bona anti pohintuwumi hai Kerisitu, ina molambikau kirami i lalu kamahilena tuwoNa au bara mokahopoa.