Roma 16:2 - Sura Malelaha

² Kuperapi bona nidoko nodo halalumi i lalu hangana Pue Yesu, lawi itimi au hintoto tababehi au meulake i Yesu. Ane ara apa-apa au naparaluu, niwei, lawi bosa tauna au natulungi, tepesua iko.

Roma 16:2 ပူးပေါင်းရင်းမြစ်များ

Matiu 25:40

Hai Iko Datu, Kuhanaihe, ‘Bona niisa, apa au nibabehi motulungi halaluNgku, nauri hadua pea halaluNgku au meahi-ahi katuwona, lempona, himbelami hai nibabehi Iriko.’

Suro 9:13

Nahanai Ananias, “Io, Pue. Agaiana, bosa tauna mololita kana i babehiana Saulu iti. Ia rumihi pampopeahi-ahina tauna au mepoinalai Irio i wanua Yerusale.

Suro 9:15

Agaiana, Nauli mbuli Pue Yesu i Ananias, “Hangangaa laoko! Lawi Saulu iti, Kupileimi mewali topobagoNgku. Ia ina mopahawe hangaNgku i to Yahudi hai i tauna ntanina hawe-hawe wori i datu.

Suro 9:36

Bara karao hangko i wanua Lida, ara hambua wanua au rahanga Yope. Inditi, ara hadua towawine au mepoinalai i Yesu, rahanga Tabita. (I lalu basa Yunani hangana Dorkas, lempona lagiwa.) Tauna iti maroa babehiana, lawi ia motulungi liliuhe tauna au meahi-ahi.

Suro 9:39

Mewali, meangka mpuumi Peturu lao hihimbela hai ihira. Kahawenda i Yope, liliu raanti lao i karapowataana Dorkas. Ope-ope tobemba au towawine meangkahe motoleliki Peturu. Moteriamohe hai ratudungiami Peturu badu hai hampi au nadauahe Dorkas i tempona mani tuwo.

Suro 9:41

Nakingkimi Peturu taiena hai napopeangka. Roo indo, nakakio hulemohe ope-ope tauna au mepoinalai i Yesu hai tobemba iti, nauliangaahe, “Idemi halalumi, ia tuwo hulemi.”

Roma 15:7

Mewali, halalu, ido hai kuuliangaakau: nidoko maroa halalumi hampepepoinalai, nodo Kerisitu modoko worike ope-ope. Lawi ane hintuwuke hai halalunta hampepepoinalai, Pue Ala rapomahile anti babehianta iti.

Roma 16:15

Tabeangku wori i Filologus hai Yulia, i Nereus hai halaluna towawine, hai i Olimpas hai ope-ope halalunta hampepepoinalai au arahe hihimbela hai ihira.

Roma 16:23

Gayu wori mopakatu tabeana. Iko, Paulu, maidana i souna Gayu, hai to Sarani i wanua ide paka moguluhe inde. Erastus, topamboli doi wanua, hai halalunta Kwartus mopakatu worihe tabeanda.

Roma 16:6

Hai tabeangku wori i Maria, au mobago rumihimi irikamu.

Roma 16:9

Tabeangku wori i Urbanus, halalunta hampopobago au mampopolumao bagona Kerisitu. Tabeangku wori i Stakis, au kupokaahi.

Epesu 5:3

Mewali inee mpuukau ara au mobabehi babehia kedai, babehia merikai hai mehioro—nihowara pea inee—dati ara pepangkaanda tauna mosalaikau. Babehia au nodo bara hintoto irikamu lawi taunanamokau Pue Ala.

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

Pilipi 2:29

Mewali, hangangaa nidoko i katana lalumi nodo au nibabehi i ope-ope halalunta hampepepoinalai. Nibila wori ope-ope tauna au himbela poantinda hai ia.

Kolose 4:10

Aristarkus, rangangku ratarunggu, mopakatu tabeana irikamu. Markus halaluna Baranaba, mopakatu wori tabeana. (Nikatuinao apa au kuperapi hangkoia bona ane hawe Markus deade, nidoko maroa!)

1 Timotiu 2:10

Aginami towawine ratoia anti babehianda au maroa, hintoto hai poanti towawine au mengkoru i Pue Ala.

Titu 2:3

Nodo wori towawine au saemohe, nupaturohe bona babehianda hintoto hai tauna au mengkoru i Pue Ala; ineehe manguli au bara tou kana i ranganda, hai ineehe paka maenu-enu. Hangangaa mopaguru liliuhe ranganda bona maroa babehianda.

Pilemo 1:12

Mewali ide-ide, anangku au kupokaahi ide, kutudu mesule hule irio.

Pilemo 1:17

Mewali, ane nuimbana halalumu hampepepoinalai, kuperapi bona nudoko hule Onesimus nodo kanudokongku.

2 Yohane 1:10

Mewali, ane ara guru agama au hawe i boeami au moanti paturo au mosisala hai paturo ide, ineehe nidoko i lalu soumi hai ineehe nidoko nodo halalu hampepepoinalaimi.