Roma 15:26 - Sura Malelaha

²⁶ Lawi taunana Pue Ala au barahe to Yahudi i propinsi Makedonia hai Akaya ide moruruhe doi bona rawei i halalunda hampepepoinalai au meahi-ahi tuwonda i Yerusale.

Roma 15:26 ပူးပေါင်းရင်းမြစ်များ

Matiu 25:40

Hai Iko Datu, Kuhanaihe, ‘Bona niisa, apa au nibabehi motulungi halaluNgku, nauri hadua pea halaluNgku au meahi-ahi katuwona, lempona, himbelami hai nibabehi Iriko.’

Matiu 26:11

Ane tauna au meahi-ahi, ara mani katepakami motulungihe lawi ara mpaliliuhe irikamu. Agaiana Iko, baraNa ara liliu irikamu.

Lukasi 14:13

Agaiana ane mopaarako susa, hangangaa nukakio tauna au meahi-ahi tuwonda, au bara masilolonga watanda, au palu hai au bilo.

Lukasi 6:20

Yesu mototoki topeulaNa hai Nauliangaahe: “Morasikau au meahi-ahi tuwomi, lawi ikamumi au mewali taunana Pue Ala i lalu poparentaNa.

Suro 16:12

Roo indo, mendaulumongkai hangko i kapala tahi, hai laongkai i wanua Pilipi, au rakamumu hai rapaidai to Roma, hai au mahile hangana i propinsi Makedonia. Inditi maidangkai bahangkia alona.

Suro 16:9

Tanga kaindi tanganda maturu i Troas, Paulu moita hambua pampetudungia. Naita hadua tobalilo au hangko i tampo Makedonia meangka i lindona, nauli, “Maimokau i Makedonia. Nitulungi wongkamia!”

Suro 18:12

I tempona Galio mewali gubernur i tampo Akaya, hintuwumohe to Yahudi moewa Paulu. Paulu raanti i lindona gubernur, hai

Suro 19:21

Liumi au mewali iti, Paulu moliwo lao i tampo Makedonia hai Akaya, hai roo indo ina lao wori i wanua Yerusale, nauli, “Roona i Yerusale, hangangaa laona i wanua Roma.”

Suro 9:13

Nahanai Ananias, “Io, Pue. Agaiana, bosa tauna mololita kana i babehiana Saulu iti. Ia rumihi pampopeahi-ahina tauna au mepoinalai Irio i wanua Yerusale.

1 Korintu 16:15

Halalu, niisami Setepanu hantambi au nguru-nguruna mewali to Sarani i propinsi Akaya. Ihira mohuhu katuwonda i Pue bona motulungihe halalunda hampepepoinalai. Mewali, kuperapi halalu

1 Korintu 16:5

Arato tunggaiaku mosondakikau ane roomona mosondakihe to Makedonia, lawi kupeinao hampai lao irihira.

2 Korintu 1:16

Tunggaiaku nguruna kelaokau hampai kusondaki, hangko laorina i Makedonia, hai kemehupe mbulina irikamu i tempoku mai mesule bona peisana nitulungi mopapulo polumongku lao i Yudea.

2 Korintu 11:9

I tempo iti, ara wori kamakurangku, agaiana barana merapi irikamu. Lawi arahe halalunta au hawe hangko i tampo Makedonia moanti doi au mopahandai apa au kuparaluu. Barana merapi apa-apa irikamu bona barakau kupakapari. Hai apa au kubabehi hangkoia, iti au ina kubabehi liliu.

2 Korintu 2:13

Agaiana nauri nodo, bara tinda lalungku, lawi bara manina mampohidupaa Titu au moanti bambari kana irikamu halalu. Ido hai mepalakanamona i halalungku inditi bona maina inde mohaoki Titu i Makedonia.

2 Korintu 7:5

Nodo au kutuntumi, hangkoia meangkamongkai hangko i Troas lao i tampo Makedonia. Agaiana i kahawengki i Makedonia, bara wori tinda lalungki, lawi iumba pea kalaoangki, narumpangkai ngkaia kapari maroa hangko i raoa ba hangko i lalungki au buke kalanga.

2 Korintu 9:12

Popenombami iti ina mopabukei kamakuranda to Sarani i Yerusale. Hai bara iti pea, anti kabulana lalumi, bosa tauna manguli ngkaia kamaroana i Pue Ala.

2 Korintu 9:2

Kuisa niunde mpuu metulungi, ido hai kutoia amimokau i to Makedonia, kuuliangaahe: “Ane halalunta au maidahe i tampo Akaya, mepongka pare liu, masilolongamohe motulungi halalunta hampepepoinalai au meahi-ahi tuwonda.” Mewali, kamohadinda kamaahina lalumi mokira doi iti, tehuweki worimi lalunda, alana bosahe au mokira petulunginda.

2 Korintu 9:4

Lawi ane hawehe to Makedonia au mamporangaina lao irikamu, hai ane rapana bara mani ragulu doi petulungimi, ina rumihi kamaeangki, lawi roomokau kitoia i lindonda. Ikamu ina maea worikau.

Pilipi 4:15

Halalungku to Pilipi, niisami, hangkoia mopahawena Ngkora Marasa i boeami, hai i kapadungku hangko i tampo Makedonia, bara ara jumaa i boea ntanina au motulungina. Batena pea ikamu au motulungina i tempo iti.

1 Tesalonika 1:7

Mewali, ide-ide babehiami rapeulai ope-ope halalumi hampepepoinalai i tampo Makedonia hai Akaya.

1 Tesalonika 1:8

Lawi hangko irikamu, Ngkorana Pue tebambari i humalele Makedonia hai Akaya. I raoa hangko indo, pepoinalaimi i Pue Ala rapololita iumba-umba pea. Mewali, ampu boea i ope-ope boea au kikalaongi moisa noumba kanidokongki. Ikami barapongkai paraluu mopahawe ba apa-apa, lawi tauna iti mohadimohe bambari au manguli kanikabahanami menomba i anitu, katebalikina lalumi hai pengkorumi i Pue Ala au manoto hai au tuwo.

1 Tesalonika 4:10

Katouana, maahimokau i ope-ope halalumi hampepepoinalai i Makedonia. Agaiana kiperapi mpuu halalu bona babehiami iti nitambai mani.

1 Timotiu 1:3

Kuperapi bona oio maida liliuko i Epesu nodo au kuuli hangkoia i peangkaku, mai inde i Makedonia. Lawi inditi arahe bahangkia tauna au moanti paturo au sala, hai hangangaa nukontohe bona ineehe moanti liliu paturo au mepakanawo.

Pilemo 1:5

Lawi kuhadimi bambari au manguli noumba kamarohona pepoinalaimu i Pue Yesu hai kamahilena ahimu i ope-ope to Sarani.