Roma 15:12 - Sura Malelaha

¹² Ara wori lolita, au nauki nabi Yesaya hangkoia, au manguli node: “Hangko i pemuleana Isai, ina hawe hadua tauna au moparentaihe tauna au bara to Yahudi. Ia iti au mewali peharunganda.”

Roma 15:12 ပူးပေါင်းရင်းမြစ်များ

Matiu 12:21

Ope-ope tauna ina meharunga Iria.”

1 Korintu 15:19

Rapana natulungi peake Kerisitu tanganta mani tuwo i dunia hai roo indo barapoke Natulungi, lempona, hangko i ope-ope tauna i dunia ide, ikitami au meahi-ahi ntepuu katuwonta.

2 Timotiu 1:12

Mewali, anti pobagongku mobambari Ngkora Marasa iti, ido hai molambina kapari i lalu tarunggu. Agaiana nauri nodo, barana maea. Lawi kuisa kahemana au kupoinalai, hai kupoinalai kaIana au ina mokadipurana, hai batena manoto i lalungku kamakuasaNa mokadipurana hawe i alo pebotusi.

1 Peturu 1:21

Anti kahaweNa, ido hai mepoinalaikau i Pue Ala au mopatuwo hule Yesu hangko i kapate hai mowei katuwo mahile Iria, alana mepoinalaikau hai meharungakau i Pue Ala.

1 Yohane 3:3

Hai ope-ope tauna au moharungahe iti hangko i Kerisitu, ina mopakaraohe hinangka dosa hangko i watanda bona malelaha tuwonda nodo kamalelahana Kerisitu.

Pampetudungia 22:16

Iko, Yesu, motudumoNa malaekaNgku mopahawe paturoNgku ide irikamu ope-ope jumaa. Iko pemuleanana Datu Daudi. Ikomi Betue ntanda i Mata alo au mewangka ntepuu.”

Pampetudungia 5:5

Roo indo, ara hadua hangko i totosae au rompulo hai iba au mouliangaana, “Ineeko moteria. Lawi ara mpuu au menangi! Ia rauli: Singa hangko i Yehuda; Ia pemuleana Datu Daudi! Ia au peisa mobungkahi penena hai mobungkahi sura iti.”