Roma 14:22 - Sura Malelaha

²² Ane nupoinalai kadamu masala mobabehi babehia iti, pelambiamu iti hangangaa nukingki pea i lalumu haduduamu i lindona Pue Ala. Morasimi tauna au mobabehi apa au maroa moula pelambiana, hai barahe mosalai watana.

Roma 14:22 ပူးပေါင်းရင်းမြစ်များ

Suro 24:16

Ido hai mobabehi liliuna apa au maroa bona kuisa i lalungku kadana ara apa-apa au peisa raraiana, maroa i peitana Pue Ala, maroa i peitana manusia.

Roma 14:14

Anti pohintuwuku hai Pue Yesu, kuisa hai kupoinalai i lalungku kadana ara paande au rapalia i peitana Pue. Agaiana ane ara hadua tauna au manguli paande au hampaka rapalia, batena mpuu masala ane naande.

Roma 14:2

Pandirina: arahe tauna au maroho pepoinalainda au manguli peisake moande mampopengaa paande. Agaiana ara tauna ntanina au bara mani maroho pepoinalainda. Rauli tauna iti, bara naunde Pue ane moandeke bau, batena pea halo-halo au peisa taande.

Roma 14:23

Agaiana ane ara hadua tauna au bata-bata laluna moande bau ba paande ntanina, hai kahopoana naande pea, lempona madosa, lawi au nababehi iti bara moula apa au napoinalai i laluna. Mewali, ane tababehi apa au bara moula pepoinalainta i Pue, babehianta iti tapodosa.

Roma 14:5

Arahe tauna au manguli ara alo au tepakanoto au hangangaa tapenombai melumbu hangko i alo au ntanina. Agaiana arahe tauna ntanina au manguli ope-ope alo himbela pea. Agaiana au paraluu iami apa au tababehi, hangangaa hangko i lalunta mpuu bona napokatana Pue Ala.

Roma 2:1

Ido hai halalu, hema-hema pea bara ara rarana mosalai rangana. Hema au mosalai rangana himbela pea mosalai watana haduduana, lawi apa au nasalaiaa rangana nababehito wori.

Roma 7:15

Kupowuli babehiangku ide lawi babehia maroa au kupeinao kubabehi, barari iti kubabehi, hai apa au kukahihi, itiri au kubabehi!

Roma 7:24

Mewali, i pekiringku kuunde mpuu mampeulai Aturana Pue Ala, agaiana batengku madosa liliu anti peundeana lalungku au kadake, alana hintotona rahuku mate hai ragaakina hangko i Pue Ala. Meahi-ahi mpuuna dide! Hema wongkoia au ina mohoremana hangko i rugingku ide? Kuuli ngkaia kamaroana i Pue Ala lawi Iami au mohoremana hangko i rugingku ide anti petanga-tangaina Yesu Kerisitu, Amputa!

1 Korintu 8:7

Agaiana nauri nodo, bara ope-ope to Sarani moisa iti. Arahe au menomba i anitu hangko damanihe mewali to Sarani, hai duuna ide-ide ane moitahe paande au rapopenomba i anitu, nauli lalunda, “Iti popenomba i anitu!” Mewali, ane maandehe paande iti, nauli lalunda, “Madosake,” lawi bata-bata mani lalunda ba peisa raande ba bara.

2 Korintu 1:12

Matana lalungki halalu, lawi kiisa, katuwongki i dunia ide pelumbunami i lalu pohintuwuki hai ikamu, hangko i kabulana mpuu lalungki kipopolumao. Hai apa au kibabehi iti bara hangko i kapande manusia agaiana hangko i kapande au Nakiraiangkai Pue Ala.

Galatia 6:1

Halalu, ane moitakau rangami hampepepoinalai mobabehi sala, ikamu au mampeulaikau peundeana Inao Malelaha, hangangaa ninini wohiraia mesule i rara au manoto i lalu kamaalusu. Hai mokampai worikau watami datikau hawe mobabehi dosa.

Yakobu 3:13

Ane ara tauna i olomi au maroa pekirinda hai au manoto lalunda, iti hangangaa rapatongawa i babehianda au maroa au mesuwu hangko i lalunda au mengkaiwoi moula apa au hintoto i tauna au manoto lalunda.

1 Yohane 3:21

Mewali, halalu au kupokaahi, ane barapoke nasalai lalunta, baimoke mohungkuki Pue Ala,