Roma 14:17 - Sura Malelaha

¹⁷ Lawi i lalu poparentana Pue Ala, bara ada mpaande ba paenu au mewali patoana i peitana Pue Ala. Patoana iami lalunta au manoto, pohintuwuta hai ranganta, hai katana lalu au naweike Inao Malelaha.

Roma 14:17 ပူးပေါင်းရင်းမြစ်များ

Matiu 3:2

nauliangaahe, “Menosomokau hangko i dosami, lawi barapi mahae ina hawe poparentana Pue Ala i dunia.”

Matiu 6:33

Mewali, hangangaa nipaioru poparentana Pue Ala i lalu katuwomi hai hangangaa nibabehi liliu babehia au manoto i peitaNa. Ane nibabehi nodo, hinangkana au niparaluu batena Naweikau.

Lukasi 14:15

Tanganda maande, hadua torare au mohadi lolitana Yesu inona, mololita i Yesu nauli, “Morasi mpuu tauna au ina maande hihimbela hai Pue Ala i lalu poparentaNa.”

Yohane 16:33

Ope-ope ide Kuuliangaamokau bona molambikau katinda lalu hangko i pohintuwumi hai Iko. Tangami mani i dunia ide, batemi rapopeahi-ahi. Agaiana nipakaroho lalumi, lawi kuasa tokadake au ara i lalu i dunia ide Kunangimi.”

Yohane 3:3

Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”

Yohane 3:5

Nauli Yesu, “Ane tauna bara rapoanaka hai owai hai kuasana Inaona Pue Ala, bara peisa mewali taunana Pue Ala i lalu poparentaNa. Lolitangku ide tou!

Suro 13:52

Topepoinalai i Pue Yesu i Antiokia, nakuasaimohe Inao Malelaha hai matana mpuu lalunda.

Suro 9:31

Mewali i tempo iti, tauna au mepoinalai i Pue Yesu barapohe rapopeahi-ahi i tampo Yudea, Galilea hai Samaria. Tetambaimi topepoinalai i Yesu, hai kamaroho-rohoami pepoinalainda, lawi mengkoru mpuuhe i Pue Ala, hai Inao Malelaha mopakaroho lalunda.

Roma 15:13

Taperapi Pue Ala, peharunganta, moweikau katana hai roa ngkatuwo i lalu pepoinalaimi i Pue Yesu, bona kamaroho-rohoa peharungami Iria anti kuasana Inao Malelaha.

Roma 8:6

Lawi peundeana lalunda au kadake mopaara kapate, agaiana peundeana Inao Malelaha mopaara katuwo hai roa ngkatuwo.

1 Korintu 1:30

Pue Ala pea au mobungkahiake rara pane mohintuwuke hai Kerisitu Yesu. Anti pohintuwuta hai Kerisitu Yesu, taisami kamapandena Pue Ala: Napamanotomoke Kerisitu i peitana Pue Ala, au mopamalelahamoke, hai au mohompomi dosanta.

1 Korintu 4:20

Lawi ane Pue Ala mewali Datunta, hangangaa moulake peundeaNa, bara pea i lolitanta agaiana i babehianta lawi ara kuasa au tahumba hangko Iria.

1 Korintu 6:9

Bara pae niisa halalu, tauna au kadake babehianda, barahe ina mewali taunana Pue Ala i lalu poparentaNa. Ineekau ranawo-nawo. Tauna au mobabehi babehia au merikai, au menomba i anitu, au mebualosi, au mobabehi sala nodo tobalilo au mamposamboko hangka tobalilona,

1 Korintu 8:8

Katouana, bara paande iti au moantike hungku i Pue Ala hai bara worike naanti karao hangko i Pue Ala. Ane taande, barake morasi. Ane bara taande, bara worike marugi.

2 Korintu 5:21

Kerisitu, bara madosa, agaiana napahimbela Pue Ala tauna madosa hai Napahaleangi dosanta. Tunggaiana Pue Ala bona ikita au mohintuwu hai Kerisitu raimbamoke manoto i peitaNa.

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Pilipi 2:1

Mewali halalu, anti pohintuwumi hai Kerisitu maroho lalumi. Tepalindo lalumi lawi napokaahikau Kerisitu. Naporangai liliukau Inao Malelaha, hai mombepokaahi worikau hadua hai hadua.

Pilipi 3:3

Katouana ikitami au manoto i peitana Pue Ala lawi menombake Iria moula peninina Inaona haduduaNa, hai matana mpuu lalunta anti pohintuwuta hai Kerisitu Yesu. Barake moharunga ada au raita pea i raoa bona mewalike manoto i peitana Pue Ala.

Pilipi 3:9

hai mohintuwuna hai Ia. Pue Ala moimbana manoto i peitaNa, bara anti peulangku i Aturana Musa, agaiana anti pepoinalaingku i Kerisitu. Mewalina manoto i peitana Pue Ala anti kabulana laluNa, lawi mepoinalaina i Kerisitu.

Pilipi 4:4

Halalu, hangangaa matana-tana liliukau i lalu pohintuwumi hai Pue. Hambela mani kuuli: hangangaa matana-tanakau.

Pilipi 4:7

Mewali Pue Ala ina mopatinda lalumi anti pohintuwumi hai Kerisitu Yesu. Hai ane Ia mopatinda lalumi, barapokau ina langa, lawi kuasaNa melumbu hangko i ope-ope au peisa tapekiri.

Kolose 1:11

Merapingkai i Pue Ala bona Napakaroho lalumi i lalu kuasaNa moula kamarohoNa au mahile bona mantaha liliukau i hinangkana au morumpakau.

1 Tesalonika 1:6

Hai ikamu halalu, kamohadimi Ngkora Marasa iti, nipeulaimi poantiki hai poantina Pue Yesu. Lawi nauri rumihi karapopeahi-ahimi, matana liliu lalumi modoko Ngkora Marasa. Kamatanami iti naweikau Inao Malelaha.

1 Tesalonika 2:12

bona babehiami moula peundeana Pue Ala. Lawi Pue Ala mokakiokau mewali taunaNa i lalu poparentaNa bona molambikau kirami i lalu peawana tuwoNa.

Ibarani 13:9

Mewali ineekau mampeulai paturo wou au mepakanawo hai au mosisala hai pepoinalainta, nodo ada hai palia i paande. Lawi ada iti bara moanti katuwo maroa. Aginami tapakaroho lalunta hangko i kabulana laluna Pue Ala, lawi iti au moanti katuwo maroa irikita.

1 Peturu 1:8

Nauri bara manikau moita Yesu Kerisitu, agaiana, nipokakaiami. Hai ide-ide, bara mani wori niita, agaiana nipoinalaimi. Ido hai matana lalumi, hai kamatanami iti mahile, melumbu hangko i apa au peisa rapololita.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.