Roma 13:9 - Sura Malelaha

⁹ Lawi i lalu Aturana Pue Ala ara hawa au manguli node, “Inee mebualosi, inee mepapate, inee manangka, inee nipokaelu anu-anuna rangami.” Ope-ope hawa ide hai hawa au ntanina, tapabukeimi ane mampeulaike hawa au hampaka ide, “Nipokaahi hangka rangami nodo pampokaahimi watami haduduami.”

Roma 13:9 ပူးပေါင်းရင်းမြစ်များ

Matiu 22:39

Hai parenta karompakana au himbela hai au kaisa iami: ‘Nipokaahi hangka rangami nodo pampokaahimi watami haduduami.’

Markus 10:19

Nuisato hawa au teuki i lalu Aturana Musa: ‘Inee mepapate, inee mebualosi, inee manangka, inee mohowara dongko, inee mebagiu, hai bila umamu hai inamu.’ ”

Markus 12:31

Hai parenta au karompakana, node: ‘Nipokaahi hangka rangami nodo pampokaahimi watami haduduami.’ Bara ara parenta ntanina au meliu kamahilena hangko i au rompaka iti.”

Lukasi 10:27

Nahanai guru agama iti, “Au kubasa, node: ‘Nipokaahi Pue Ala, Ampumi, i sukana kabulana lalumi, i sukana pekirimi, i sukana rohomi, hai i sukana kapandemi.’ Hai teuki wori: ‘Nipokaahi hangka rangami nodo pampokaahimi watami haduduami.’ ”

Lukasi 18:20

Nuisami hawa au teuki i lalu Aturana Musa: inee mebualosi, inee mepapate, inee manangka, ineekau mohowara dongko, hai bila umamu hai inamu.”

Galatia 5:13

Halalu, Nakakiomoke Pue Ala bona tekabahake hangko i Aturana Musa. Agaiana inee tapehangu katekabahanta hangko i atura iti peisamoke tuwo moula peundeana lalunta. Aginari mombepokaahike hai mombetulungike hadua hai hadua.