Roma 13:8 - Sura Malelaha

⁸ Ineeke moinda i hangka ranganta, agaiana hangangaa mombepokaahirike. Lawi tauna au mampokaahi hangka rangana, mampeulaimohe ope-ope Aturana Pue Ala au napahawe Musa.

Roma 13:8 ပူးပေါင်းရင်းမြစ်များ

Matiu 7:12

“I paka-pakana, apa au niunde rababehi rangami irikamu, iti wori au hangangaa nibabehi i rangami. Itimi paturona Aturana Musa hai paturonda nabi.

Yohane 13:34

Kuweikau hawa au wou: mombepokaahimokau. Hangangaa mombepokaahikau nodo kaKupokaahimi.

Roma 13:10

Ane maahike i hangka ranganta, barapoke mobabehi au kadake irihira. Mewali ane maahike, tapabukeimi Aturana Pue Ala.

Roma 13:7

Nibaiari ope-ope i tauna apa au hintoto nibaiari. Nibaiari asele ba pobaiari au ntanina i topoparenta. Mengkorukau i tauna au hintoto rapengkorui. Bila tauna au hintoto rabila.

Galatia 5:14

Ara parenta au manguli: “Nupokaahi hangka rangamu nodo pampokaahimu watamu haduduamu.” Ane tapeulai parenta au hampaka iti, himbelami hai mobabehike ope-ope Aturana Musa au nahawaake Pue Ala.

Kolose 3:14

Au paraluu ntepuu, hangangaa mombepokaahikau, lawi ane nibabehi nodo, ina hintuwukau hai bara ara kamakurami.

1 Timotiu 1:5

Tunggaiana paturongku ide bona ikita ope-ope mombepokaahike. Hangangaa mombepokaahike hangko i lalunta au malelaha, hangko i kabulana lalunta hai hangko i kamarohona pepoinalainta i Pue Ala.

Yakobu 2:8

Maroa babehiami ane mampeulaikau hawana Datunta au i lalu Sura Malelaha au manguli, “Nipokaahi hangka rangami nodo pampokaahimi watami haduduami.”

1 Yohane 3:10

Idemi au mopatongawa kahemana au napoana Pue Ala hai kahemana au napoana Datu Tokadake: ope-ope tauna au bara mobabehi apa au manoto, barahe napoana Pue Ala. Nodo wori, ope-ope tauna au bara mampokaahi halalunda, barahe napoana Pue Ala.