Roma 13:13 - Sura Malelaha

¹³ Nibabehi babehia au hintoto i kabaakana. Ineekau mosusa-susa hai malangu-langu. I babehia tobalilo hai towawine, ineekau mobabehi babehia au sala ba au moula peundeana lalunta au kadake. Ineekau mobungka-bungka ba mahina.

Roma 13:13 ပူးပေါင်းရင်းမြစ်များ

Lukasi 1:6

Tohamboko iti, manoto babehianda i peitana Pue Ala, lawi hangko i lalunda mpuu mampeulaihe ope-ope atura hai parentana Pue Ala.

Lukasi 16:19

Hangko indo, nauli Yesu, “Ara hadua topebuku. Pehampina nodo pehampi-hampi datu, ope-ope hampina masuli holona. Katuwona alo-alona, mosusa liliu.

Lukasi 21:34

“Mainga-ingakau, datikau mosusa-susa hai malangu-langu liliu. Mainga-ingakau datikau mampepekiri liliu katuwomi i dunia ide, alana mampomaleakau. Lawi alo kahaweNgku hule unga pea ina morumpa ope-ope tauna i dunia. KahaweNgku hule iti peisa rapandiri nodo tilobu au mopakanawo tauna au mampomalea.

Suro 2:15

Barangkai malangu nodo au niuli. Ide-ide bara mani tempo paenu-enu lawi hangko tinti hahio madondo.

1 Korintu 3:3

lawi moula manikau peundeana lalumi au kadake. Mahinakau hai mobungka-bungka manikau, itimi au mopakanoto poulami mani peundeana lalumi au kadake, nodo tauna au bara manihe moisa Pue.

Galatia 5:19

Ina tongawa, ane tauna mobabehi peundeana lalunda au kadake. Pandirina: motambi-tambi dele, mobabehi babehia au kedai hai babehia au merikai,

Galatia 5:21

mahina, malangu-langu, mosusa-susahe barapi ara hokana, hai ara mani wori au ntanina. Mewali, ope-ope iti, kupopaingaa mbulikau nodo au kuuliangaamokau hangkoia: hema-hema au mobabehi nodo, barahe ina maida hihimbela hai Pue Ala i lalu poparentaNa.

Epesu 4:1

Halalu, nihadimi ope-ope paturongku. Ide iko, au ratarunggu anti pobagongku i Pue Ala, kuperapi mpuu irikamu bona mobabehikau apa au hintoto rababehi anana Pue Ala, lawi Nakakiomokau mewali anaNa.

Epesu 4:17

Mewali, hai kuasa au naweina Pue, kuuli hai kupaturoakau: Ineemokau tuwo nodo katuwomi hangkoia au bara moisa Pue Ala, lawi au rapekiri bara mobundu

Epesu 5:15

Ido hai hangangaa nipamaroa-roa babehiami: ineekau nodo tontuli; agaiana hangangaa manoto pekirimi.

Epesu 5:18

Ineekau malangu-langu, lawi iti ina moantikau mobabehi ngkaia pakana dake, agaiana hangangaa nakuasai peamokau Inao Malelaha. Anti kuasana Inao Malelaha iti,

Epesu 5:8

Hangkoia, makaindi mani lalumi, agaiana ide-ide mabaami lalumi anti pohintuwumi hai Pue. Mewali, hangangaa tuwokau i lalu kamabaa.

Pilipi 1:27

Mewali, au paraluu irikamu iami babehiami hangangaa hintoto hai poulami Ngkora Marasa au hangko i Kerisitu. Hangangaa nibabehi nodo bona ane kupohidupaa manikau ba barapi, ina kuisa kamarohona pepoinalaimi hai kamarohona pohintuwumi i lalu pobagomi mobambari Ngkora Marasa.

Pilipi 2:3

Ineekau mopaioru peundeami haduduami, ineekau mampemahile. Agina mengkaiwoike hadua hai hadua, hai hangangaa taimba ranganta melumbu hangko irikita.

Kolose 1:10

bona babehiami ina hintoto hai tauna au moula peundeana Pue, hai bona ope-ope babehiami ina mopamatana laluNa. Ane nodo katuwomi, ina mobabehikau hinangka bago au maroa, hai ina katetetambaia poisami Pue Ala i lalu katuwomi.

Kolose 3:5

Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.

1 Tesalonika 2:12

bona babehiami moula peundeana Pue Ala. Lawi Pue Ala mokakiokau mewali taunaNa i lalu poparentaNa bona molambikau kirami i lalu peawana tuwoNa.

1 Tesalonika 4:12

Ane nodo nibabehi, barapokau ina merapi-rapi i rangami. Hai ina raadaikau tauna au barahe mepoinalai i Pue Yesu.

Yakobu 4:5

Inee nipehangu bara ara tunggaiana au teuki i lalu Sura Malelaha node: i watanta ide, Pue Ala moweike inaonta, hai Pue Ala mohiri ane barake tetida Iria.

1 Yohane 2:6

Hema-hema au manguli mohintuwuhe hai Pue Ala, babehianda hangangaa moula babehiana Kerisitu.

2 Yohane 1:4

Matana mpuu lalungku mohadi bahangkiahe anamu inde moulamohe paturo au tou, nodo au nahawaake Pue Ala Umanta.

Yudasi 1:23

Ane arahe au mehupe hangko i pepoinalainda, nininihe mesule bona tehoremahe hangko i api pehuku hai molambihe katuwo maroa. Ara worihe tauna au madosa au mampeulai peahe peundeana lalunda au kadake. Nitudungia worihe ahimi, agaiana nikahihi babehianda au kadake hai mainga-ingakau bona datikau tedii i lalu babehianda.