Roma 12:5 - Sura Malelaha

⁵ Nodo wori ikita au mepoinalai i Kerisitu, bosake agaiana hawata-wata peake i lalu pohintuwuta hai Kerisitu. Mohintuwuke hadua hai hadua.

Roma 12:5 ပူးပေါင်းရင်းမြစ်များ

Yohane 17:11

Ina mesulemoNa Irio Uma, barapoNa mahae i dunia ide. Agaiana topeulaNgkuhe ide, i dunia manihe. O UmaNgku au malelaha, Kuperapi Nukampaihe hai kuasana hangaMu au NuweimoNa. Nukadipuramohe bona hampepekiri peahe, nodo Oio hai Iko hampepekiriKe.

Roma 12:4

Pandirina, watanta ara ngkaia ngaana, agaiana hambua pea wata. Hangaa-hangaa, montani-ntani pobunduana.

1 Korintu 10:17

Lawi haogu pea roti au rakira-kiraake, hai taande. Lempona, ikita au bosa ide mewalimoke hawata-wata hai Kerisitu.

1 Korintu 10:33

Nodo wori iko, i paka-pakana kubabehi liliu apa au maroa i peitanda ope-ope tauna. Bara kuhaoki apa au mobundu pea i watangku haduduangku, agaiana kubabehi apa au ina mobundu i rangangku bona tehoremahe hangko i huku dosanda.

1 Korintu 12:20

Mewali, ngkaia ngaana watanta, agaiana hambua pea wata.

1 Korintu 6:15

Bara pae niisa halalu, watami iami hangkira hangko i watana Kerisitu. Maroa pae ane watanta au mewalimi kirana Kerisitu tapake mobabehi sala hai towawine au kadake babehiana? Bara!

Epesu 1:23

Ikita au mepoinalai Iria, mewalimoke Watana Kerisitu. Iami au mampobago hinangkana bona ope-ope mewali moula tunggaiaNa.

Epesu 4:12

Ia mokira-kira pewati iti bona ikita ope-ope au mepoinalai Iria raparewaike bona tabuku mampopolumao bagona Pue. Lawi ane iti au tababehi, ikita au rauli Watana Kerisitu ina tetambai kamarohona pepoinalainta,

Epesu 4:25

Mewali halalu, nitendemi dongko. Nipololitami apa au tou i hangka rangami, lawi ikita ope-ope hangkirake hangko i Watana Kerisitu.

Epesu 5:23

Lawi tobalilo mewali tadulako i towawinena nodo Kerisitu mewali tadulako i jumaa, hai Ia haduduana au mohorema jumaa au mewali wataNa.

Epesu 5:30

Ia mokadipurake lawi ikita au mepoinalai Iria mewalimoke hangkira hangko i WataNa.

Kolose 1:24

Ide-ide halalu, matana mpuuna mohalea kapari anti pobagongku motulungikau. Lawi ara mani kapari au hangangaa morumpana anti pobagongku i Kerisitu, hai kapari au kuhumba ide-ide, kuhumba anti pobagongku motulungi ope-ope tauna au mepoinalai i Kerisitu. Ikita ope-ope au mepoinalai i Kerisitu peisake rapandiri nodo wataNa.

Kolose 2:19

Tauna iti barapohe mohintuwu hai Kerisitu. Kerisitu peisa rapandiri nodo waa hai ikita ope-ope au mepoinalai Iria rapandiri wataNa. Waa mokuasai ope-ope wata. Nodo wori Kerisitu, Ia au moteteke hai au mopahintuwuke bona kamaroho-rohoa peulanta Iria hintoto hai peundeana Pue Ala.