Roma 12:17 - Sura Malelaha

¹⁷ Ane arahe au mobabehi dake irikamu, ineehe nihurungi. Nibabehi apa au maroa i lindonda tauna.

Roma 12:17 ပူးပေါင်းရင်းမြစ်များ

Matiu 5:24

nukabahami hampai popenombamu, hai mesuleko lao modame hai rangamu. Roori iti, hangko mesuleko lao mohuhu popenombamu i Pue Ala.

Matiu 5:39

Agaiana ide-ide Kuuliangaakau, inee nuhurungi babehiana hangka rangamu au mobabehi dake irio. Ane pandirina ara au mohapa kalimpimu hambali, nuwei mbuli kalimpimu au hambali.

Roma 12:19

Halalu au kupokaahi: inee nihurungi kakadakena hangka rangami. Nipogiangaa Pue Ala mohukuhe. Lawi i lalu Sura Malelaha, Pue Ala mongkora node, “‘Iko pea au makuasa mehurungi. Iko pea au makuasa mehuku.’ ”

Roma 14:16

Mewali, ane ara au tababehi, maroa moula pelambiata agaiana au mopakarugi pepoinalaina ranganta, agina inee tababehi bona babehianta iti bara rasalai ranganta.

Kolose 4:5

Ane mampogaloakau tauna au barake hampepepoinalai, hangangaa mapande-pandekau moanti watami bona peisakau mampopobundu katepakami mopahaweahe rara mepoinalai i Pue.

1 Tesalonika 4:12

Ane nodo nibabehi, barapokau ina merapi-rapi i rangami. Hai ina raadaikau tauna au barahe mepoinalai i Pue Yesu.

1 Tesalonika 5:15

Ane ara au mobabehi dake irikita, inee wori tahurungi hai dake. Agina mobabehi liliuke au maroa i ranganta hai i ope-ope tauna.

1 Tesalonika 5:22

Nikaraohi ope-ope babehia kadake.

1 Timotiu 5:14

Ido hai kuuli, tobemba au mangura manihe, agina motambi hulehe, bona moanahe, hai mokadipura maroahe tauna au i lalu sounda dati ara raranda iwalinta mokakabosaike.

1 Peturu 2:12

Arahe tauna au bara moisa Pue Ala au mopapakoikau hai mopakadakekau. Ido hai hangangaa nipamaroa-roa babehiami bona kamaroana babehiami ina tongawa irihira. Kahopoana, ina rapangaku kamaroana babehiami, alana motoiahe Pue Ala i alo kahaweNa.

1 Peturu 3:16

Hai hangangaa bula lalumi bona ane arahe tauna au mosasalai babehiami au maroa i peitana Kerisitu, ina maeahe.

1 Peturu 3:9

Ane ara tauna au mobabehi dake irikamu, inee nihurungi. Ane rakakabosaikau, inee worihe nikakabosai. Agina babehianda au kadake iti nihurungi hai pekakae au mamperapiahe pewati hangko i Pue Ala. Lawi Pue Ala mokakiokau mewali taunaNa bona molambikau pewati hangko Iria.