Roma 11:7 - Sura Malelaha

⁷ Mewali taisa, to Isaraeli mampeinaohe manoto i peitana Pue Ala moula raranda haduduanda, agaiana bara rahumba. Arahe bahangkia au molambi kanoto lawi Napileimohe Pue Ala. Au ntanina mengkabatuhe i pekakiona Pue,

Roma 11:7 ပူးပေါင်းရင်းမြစ်များ

Markus 6:52

Lawi kehapi bara manihe mahae moita tanda kuasa au Nababehi hai roti inona, bara mani liliu manoto i lalunda kahemana mpuu Yesu. Batena mani bata-bata lalunda mepoinalai Iria.

Lukasi 13:24

“Au molambi katuwo maroa, peisa rapandiri nodo hadua tauna au mesua i baba au maigu. Hangangaa nipari-pari mesua i baba au maigu iti liana mani tebungkahi. Lawi ane hawemi tempona baba iti natuko ampu sou, bosa tauna ina mampeinaohe mesua, agaiana barapohe peisa. Mewali ane meangka manikau i raoa, ina mekakakiokau merapi bona rabungkahiakau baba. Ina niuli, ‘Ampu bungkahia wongkamia baba!’ Ina nahanai: ‘Barakau kuisa, hai bara wori kuisa kahangko iumbami mai.’

Yohane 12:40

“Nauli Pue Ala: ‘Kupabilomohe, datihe meita. Kupamatua lalunda bona barahe moisa peundeaKu. Kahopoana barahe mesule Iriko, hai barahe Kuhorema.’ ”

Roma 10:3

Barahe mengkoru i Kerisitu bona mewalihe manoto i peitana Pue Ala. Raunde mpuu moula raranda haduduanda, mampeinaohe mopakanoto watanda i poulanda Aturana Musa.

Roma 11:25

Halalungku hampepepoinalai! Kupeinao mouliangaakau apa tunggaiana Pue Ala au bara raisa tauna hangkoia. Kuuliangaakau ide bona ineekau mampemahile. Bona niisa: ide-ide hanggaa to Yahudi matua lalunda agaiana iti bara mahae, duuna handa kabosanda tauna au barahe to Yahudi au mepoinalai i Yesu hintoto hai tunggaiana Pue Ala.

Roma 11:5

Apa au mewali i tempona nabi Elia hangkoia, nodo wori au mewali i tempo ide, kabosanda to Isaraeli barahe mepoinalai i Yesu, agaiana ara manihe hanggaa au mepoinalai, lawi ihira iti napileimohe Pue Ala mewali kiraNa anti kabulana laluNa.

Roma 3:9

Mewali, node: ikita to Yahudi, bara meliu kamaroanta hangko i tauna ntanina. Lawi nodo au kuuli inona, ope-ope tauna batena masala, lawi ikita ope-ope madosamoke, maroa to Yahudi maroa tauna ntanina.

Roma 6:15

Mewali noumba halalu! Ane nahoremamoke Pue Ala bara anti pampeulainta Aturana Musa, agaiana anti kabulana pea laluna Pue Ala, ba peisamoke mobabehi dosa? Inee nodo halalu.

Roma 9:18

Mewali, taisa mpuu: Pue Ala motudungia ahiNa i hadua tauna, hai mopamatua laluna tohaduana. Ia mobabehi nodo moula peundeaNa haduduaNa.

Roma 9:23

Anti kasabaraNa, ido hai tongawa kamahilena tuwoNa i tauna au Napokaahi hai au Napatani amihe molambi kiranda i lalu peawana tuwoNa.

1 Korintu 10:19

Apa tunggaiaku manguli nodo? Bara kuuli ara pue ntanina hangko i Pue Ala. Hai bara wori kuuli, ara bunduna paande au rapopenomba i anitu. Bara mobundu!

2 Korintu 3:14

Agaiana pekirinda tetuko mani, lawi hawe ide-ide natabungi manihe tolombu iti. Ane mobasahe atura au hae, tetuko mani pekirinda. Ane mepoinalaimohe i Kerisitu, hangko tebungkahiri pekirinda.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

Epesu 1:4

Hangko damani dunia rapopewali, Napileimoke Pue Ala mohintuwu hai Kerisitu bona mewalike taunaNa au malelaha au bara ara kamasalanta i peitaNa.

Epesu 4:18

hai makaindi lalunda. Barahe mohumba katuwo au wou hangko i Pue Ala, lawi barahe moisa Pue Ala. Ntulihe lawi matua lalunda.

Pilipi 1:18

Agaiana nauri nodo, bara kupailalu. Lawi kehapiri maroa ba bara maroa tunggaianda, bambari kana i Kerisitu rapahawemi. Iti au kupokatana. Hai batena matana liliuna,

Ibarani 12:17

Niisato noumba tuntukana. Roo indo, Esau mampeinao molambi hule pewati iti hangko i umana, agaiana barapi rawei. Nauri moteria mamperapi pewati iti, barapi ara rara mopakaroa kanawoana.

1 Peturu 1:2

Ikamu, napileikau Pue Ala Umanta lawi nodomi tunggaiaNa hangko i nguru-nguruna. Ia mopileikau, hai anti pobagona Inao Malelaha, mewalimokau kiraNa bona mengkorukau i Yesu Kerisitu hai Napamalelahakau hai waheNa. Kuharunga Pue Ala ina moweikau ngkaia pewati hai roa ngkatuwo.