Roma 11:32 - Sura Malelaha

³² Lawi Pue Ala mopalikangaamohe ope-ope tauna madosa hai mesapuaka bona ara raraNa mopatongawa ahiNa i ope-ope tauna.

Roma 11:32 ပူးပေါင်းရင်းမြစ်များ

Yohane 1:7

Kamaina Yohane, ia mopahawe kana i pewangka iti i ope-ope tauna bona mohadihe posabina hai mepoinalai i pewangka iti.

Yohane 12:32

Agaiana Iko, ane rapamapangkaNa i kau mombehape, ina modiiNa ope-ope tauna mai Iriko.”

Roma 11:31

Nodo worihe to Yahudi. Ide-ide mesapuakahe bona ahina Pue Ala hawe irikamu. Agaiana ihira ina molambi wori ahina Pue Ala nodo ikamu.

Roma 3:22

Pue Ala mopamanotoke i peitaNa ane mepoinalaike i Yesu Kerisitu. Iti Nababehi i ope-ope tauna au mepoinalai, barake Napopontani-ntani.

Roma 3:9

Mewali, node: ikita to Yahudi, bara meliu kamaroanta hangko i tauna ntanina. Lawi nodo au kuuli inona, ope-ope tauna batena masala, lawi ikita ope-ope madosamoke, maroa to Yahudi maroa tauna ntanina.

Roma 5:19

Anti kadana mengkoru Adama i Pue Ala, alana ope-ope tauna madosa hahami. Nodo wori, anti pengkoruna Yesu i Pue Ala duuna mate i kau mombehape, ope-ope tauna peisami mewali manoto i peitana Pue Ala.

Galatia 3:22

Agaiana i lalu Sura Malelaha, tepakanoto humalele dunia tetakai hai dosa. Mewali, bara ara rara ntani au mopamanotoke i peitaNa, batena pea pepoinalainta i Yesu Kerisitu. Katuwo maroa au nadandi Pue Ala, batena Nawei i hema pea au mepoinalai i Yesu Kerisitu.

Galatia 3:23

Hangkoia, hangko damani taisa rara mepoinalai i Yesu, mengkoruke i Aturana Musa. I tempo iti, nodoke tauna au ratarunggu hai rakampai, lawi natakake atura-atura iti. Nodomi katuwonta duuna Pue Ala mopakanoto noumba raranta mepoinalai i Pue Yesu.