Roma 11:21 - Sura Malelaha

²¹ Lawi ane Pue Ala motendemohe to Yahudi au nodomohe daangkau au tuwo i watana hangko i nguru-nguruna, apa mani ikamu au hangko rapopentaka topeakau.

Roma 11:21 ပူးပေါင်းရင်းမြစ်များ

Roma 11:17

To Yahudi peisahe rapandiri nodo hangkau kau saitun au rakadipura. Daana au hantanga rahapeki, hai i pohapekiana iti, Pue Ala mampopentaka daa kau saitun au bara tekadipura bona katuwona daa iti marudu hangko i uaka kau au rakadipura. Daa au Napopentaka iti, iami ikamu au barakau to Yahudi.

Roma 11:19

Manoto ina niuli, “Tou, ara daa au rahapeki hai ratende bona peisangkai rapopentaka i karahipekianda.”

Roma 11:20

Tou mpuu halalu. Agaiana nikatuinao ratendehe lawi barahe mepoinalai. Ikamu rapatuwo, lawi mepoinalaikau. Ineekau mampemahile, aginami mengkaiwoikau hai mainga-ingakau, lawi ane mesapuakakau, batemi Nahapeki.

Roma 11:22

Mewali taisa mpuu kamaahina Pue Ala hai taisa wori kamanotona pehukuNa. Manotomi kaNahukunda tauna au mesapuaka, agaiana maahi irikamu ane tuwo liliukau i ahiNa iti. Ane bara, ina Natende worikau!

Roma 8:32

Ia bara mampokabohi AnaNa au haduduaNa, bona mate mopahuruke, noumba kadanta ina Nawei paka-pakana?

Yudasi 1:5

Mewali, halalu, katouana ope-ope au kuuliangaakau ide niisami. Agaiana nauri nodo, kupeinao mampopainga hulekau noumba pehukuna Pue Ala i tauna au kadake babehianda. Hangkoia Pue Ala mokabaha to Yahudi au bosa hangko i tampo Masiri. Agaiana roo indo, arahe au bara mepoinalai Iria. Mewali tauna iti napapatehe Pue Ala i pada wungi.