Roma 11:20 - Sura Malelaha

²⁰ Tou mpuu halalu. Agaiana nikatuinao ratendehe lawi barahe mepoinalai. Ikamu rapatuwo, lawi mepoinalaikau. Ineekau mampemahile, aginami mengkaiwoikau hai mainga-ingakau, lawi ane mesapuakakau, batemi Nahapeki.

Roma 11:20 ပူးပေါင်းရင်းမြစ်များ

Lukasi 18:14

Hangko indo, napahopo Yesu lolitaNa, Nauli, “Tou mpuu au Kuuliangaakau: i pesulenda i sounda, toperuru asele itimi nadoko Pue Ala hai Naimba manoto i peitaNa, agaiana toParisi iti, bara nadoko Pue Ala. Lawi hema au mampeindora, ina napaiwoi Pue Ala. Hai hema au mengkaiwoi, ina napaiwongko Pue Ala.”

Suro 18:6

Agaiana to Yahudi i wanua Korintu mosapuaka hai mopakoi liliuhe paturona. Ido hai Paulu motaronta awu hangko i hampina hai nauliangaahe, “Ane nahukukau Pue Ala, barapi iko au mohuru! Batenami ikamu! Mewali mepongka ide-ide, kupalehimokau, laomona mobambari Ngkora Marasa i tauna au barahe to Yahudi!”

Roma 11:18

Agaiana halalu, ineekau mampemahile. Ineekau mokakabosai to Yahudi au rapandiri nodo daa au rahapeki iti. Nikatuinao: ikamu molambi pewati hangko i uaka kau au rakadipura, barari kau iti au molambi pewati hangko irikamu!

Roma 11:21

Lawi ane Pue Ala motendemohe to Yahudi au nodomohe daangkau au tuwo i watana hangko i nguru-nguruna, apa mani ikamu au hangko rapopentaka topeakau.

Roma 12:16

Mohintuwukau hai rangami. Ineekau mampemahile, agina nipogaloahe tauna au i woi katuwonda. Hai inee nipekiri kapandemi melumbu hangko i rangami.

Roma 12:3

Anti kabulana laluna Pue Ala, Nawatimona mewali suroNa, ido hai kuweikau lolita ide: ineeke mampemahile. Ineekau mampekiri apa au bara hintoto nipekiri, agaiana nipekiri pea apa au hintoto moula apa au Nakiraiaamoke Pue Ala hadua-hadua, moula hokana pepoinalainta.

Roma 3:3

Noumba ane arahe to Yahudi au barahe mepoinalai i Pue Ala? Nauri nodo, Pue Ala batena mopabukei dandiNa irihira.

1 Korintu 10:12

Mewali, ane arakau au manguli: “Marohomi pepoinalaingku i Pue,” hangangaa maroa-roakau bona datikau manawo i lalu dosa!

1 Korintu 15:1

Ide-ide halalu, kupeinao kupopaingaakau Ngkora Marasa au kupahaweamokau. Ngkora Marasa iti nidokomi hai nipopobundumi i katuwomi mopakaroho pepoinalaimi.

1 Korintu 16:13

Mainga-ingakau. Nipakaroho pepoinalaimi! Nipakaroho lalumi! Mantahakau i pepoinalaimi!

2 Korintu 1:24

Barapokau kupari-pari kana i apa au hangangaa nipoinalai, lawi marohomi pepoinalaimi i Kerisitu. Agaiana kiunderi mobago sambela hai ikamu bona matana lalumi.

2 Korintu 10:5

Kuasa iti kipake monangi tauna au mampemahilehe hai kapandenda mohomboki hangka ranganda au mampeinao moisa Pue Ala. Anti karoho au kihumba hangko i Pue Ala, kibaliki lalunda tauna iti bona mengkoruhe i Kerisitu.

Pilipi 2:12

Mewali, halalu au kupokaahi, noumba kanipeulainami hawangku tangangku mani ara hihimbela hai ikamu, hangangaa melumbu mani ide-ide i tempoku karao hangko irikamu. Kuperapi bona nipamaroa-roa babehiami hintoto hai babehia tauna au nahorema Pue Ala hangko i huku dosanda. Mengkorukau i Pue Ala, hai hangangaa langakau mobabehi apa au kadake.

Kolose 2:7

Mewali, hangangaa nipakaroho hai nipatetida lalumi Iria. Nipakaroho pepoinalaimi, nodo au rapaturoamokau. Hai niuli liliu ngkaia kamaroana i Pue Ala.

2 Tesalonika 2:4

I lalu pampemahilena Manusia Kadake iti ina meewa hai mampeiwongko hangko i ope-ope au rapenombai manusia. Hai ia ina mohuda wori i Souna Pue Ala hai nauli kaianami Pue Ala.

1 Timotiu 6:17

I tauna au pebuku, nupaturohe bona ineehe mampemahile hai ineehe meharunga i anu-anu dunia, lawi anu-anu dunia batena pea marugi. Agina mepoinalaihe i Pue Ala au moweike ope-ope pewati au bara ara hokana. Iami au tapokatana.

Ibarani 3:12

Halalu! Maroa-roakau, datikau ara au kadake lalumi. Ineekau nodo toiorumi iti au mopalehi pepoinalainda i Pue Ala au tuwo!

Ibarani 3:19

Mewali, taisa: barahe peisa molambi pengkarooangaa hihimbela hai Pue Ala lawi barahe mepoinalai Iria.

Ibarani 4:11

Mewali halalu, hangangaa tapari-pari molambi pengkarooangaa hihimbela hai Pue Ala bona datike ara au mousuli hangko i pepoinalainta, nodo to Yahudi hangkoia au bara moula hawaNa.

Ibarani 4:6

Ihira au nguru-nguruna mohadi Ngkora, barahe molambi pengkarooangaa hihimbela hai Pue Ala, lawi barahe moula hawaNa. Agaiana tunggaiana Pue Ala, hangangaa ara tauna au molambi pengkarooangaa iti.

Yakobu 2:19

Ba nipoinalai hadua pea Pue Ala? Tou mpuu diti. Agaiana ane noiti pea, bara handa! Lawi mogalorihe seta, mampoinalai worihe kahaduana pea Pue Ala. Ido hai moradahe anti kalanganda.

Yakobu 4:6

Agaiana melumbu petulungina Pue Ala au Naweike hangko i kabulana laluNa pane kamahinana lalunta. Ido hai ara au teuki i lalu Sura Malelaha node: “Pue Ala moewahe tauna au mampemahile, agaiana tauna au mengkaiwoi, Natulungi anti kabulana laluNa.”

1 Peturu 1:17

Halalu, ane niuli Pue Ala iti, Umami, hangangaa mengkorukau i Pue Ala tempomi mani maida i dunia ide, nodokau topolilo. Lawi Pue Ala au nipouma iti, iami Topobotusi kara-karanda ope-ope tauna moula babehianda, hai Ia bara mampopontani tauna.

1 Peturu 5:12

Surangku au sosoe ide kuuki hai petulungina Silwanus, halalunta hampepepoinalai i Pue Yesu, hai kuisa ia ina mantaha liliu i lalu pepoinalaina. Inona kupahaweakau i kanoto-notoana noumba kamahilena ahina Pue Ala irikita bona maroho lalumi. Hangangaa tetida liliukau i kamaahiNa iti.

1 Peturu 5:9

Hangangaa niewa mpuu hangko i pepoinalaimi au maroho. Lawi niisa: halalumi hampepepoinalai i humalele dunia molambi worihe kapari nodo au nihumba.

Pampetudungia 18:7

Hangangaa rapopeahi-ahihe hai rapamaparihe, lawi mampemahilehe, rauli: ‘Iko datu towawine. Barana tobemba. Barana ina molambi kapari.’

Pampetudungia 3:17

Niuli pebukukau, handa katuwomi, hai barapi ara kamakurami. Agaiana, bara niisa kanoumbami! Rumihi ntepuu kameahi-ahimi! I lalu pepoinalaimi, meahi-ahikau, bilokau, hai barakau mehampi