Roma 11:1 - Sura Malelaha

¹ Mewali kupekune, natendemohe pae Pue Ala to Isaraeli au mewali taunaNa hangkoia? Manoto bara. Lawi ide iko, to Isaraeli worina, pemuleanana Burahima hangko i tina Benami.

Roma 11:1 ပူးပေါင်းရင်းမြစ်များ

Lukasi 20:16

Batena topokadipura bondena iti maihe napapate, hai bondena ina naweihe tauna ntanina.” Karahadina tauna bosa ngkora pandiri iti, mololitamohe i Yesu, rauli, “Inee mpuu hawe mewali nodo! Ikita to Yahudi, barake ina nahuku Pue Ala nodo topokadipura bonde i lalu ngkora pandiriMu iti!”

Suro 22:3

“Iko to Yahudina. Boea karapoanakangku, Tarsus i tampo Kilikia, agaiana hangko koi-koi peamona maidamona inde, i Yerusale. Mosikolana inde, napaguru maroana hadua guru au rabila ntepuu, hangana Gamaliel. Napaturo ntepuuna ope-ope atura au naweihe Musa i toiorunta hangkoia hai madotana mampeulai ope-ope aturana Pue Ala, nodo ikamu.

Suro 26:4

Ope-ope to Yahudi moisa lolitakana katuwongku hungkaku mani mangura, lawi hangko koi-koipona maidamona i olonda hangka to Yahudingku i Yerusale.

Roma 11:11

Mewali, bosahe to Yahudi tehube lawi barahe mepoinalai. Agaiana inee tapehangu anti katehubenda iti, manawohe hawe i hae-haena. Bara iti tunggaiana Pue Ala. Anti peewanda to Yahudi, tepakahe tauna au barahe to Yahudi mepoinalai i Pue Yesu duuna tehoremahe hangko i huku dosanda. TunggaiaNa bona i kahopoana, to Yahudi ina mokahinaihe tauna au barahe to Yahudi duuna rapeinao moula pandirinda.

Roma 3:4

Kehapiri ope-ope tauna modongko, batena tou lolitana Pue Ala. Takatuinao apa au nauli Datu Daudi hangkoia. Nauli node, “bona tongawa kamanotoMu i hinangka NgkoraMu hai menangiKo ane raparesaKo.”

Roma 9:3

Ane kepeisa, aginami iko au rapaharara hai ragaakina hangko i Kerisitu, asala halalungku to Yahudi rakabahahe hangko i huku dosanda.

2 Korintu 11:22

Ane guru iti manguli, to Ibaranihe, iko wori to Ibaranina! Ane rauli pemuleanahe Isaraeli, iko wori pemuleanana Isaraeli! Ane rauli pemuleanahe Burahima, iko, pemuleana worina Burahima.

Pilipi 3:5

I kaualuna alona tinuwungku, ratilemona moula Aturana Musa. Iko to Ibarani mpuuna, pemuleanana to Isaraeli hangko i tina Benami. Hangko damanina mepoinalai i Pue Yesu, kupeulaimi Aturana Musa moula pepaturonda toParisi.