Roma 10:8 - Sura Malelaha

⁸ Nauli mbuli Musa node, “Ngkorana Pue hungku ntepuu irikamu. Ngkora iti peisa nuhowara hai nupailalu.” Itimi ngkora au kipahawe i ope-ope tauna iti, iami bambari pepoinalai.

Roma 10:8 ပူးပေါင်းရင်းမြစ်များ

Suro 10:43

Ope-ope nabi hangkoia mampololita kana i Yesu iti, rauli: hema-hema au mepoinalai Iria, dosanda teampungi anti kuasaNa.”

Suro 16:31

Mehanahe Paulu hai Silas, rauli, “Mepoinalaimoko i Pue Yesu bona tehoremako hangko i pehukuna Pue Ala, oio hai ope-ope tauna au i lalu soumu.”

Roma 10:17

Mewali, hangangaa mohadihe hampai bambari maroa, hangko peisarihe mepoinalai. Hai bambari maroa iti iami bambari kana i Kerisitu.

Galatia 3:2

Nikatuinao halalu apa au mewali irikamu hangkoia. Modokokau pae Inao Malelaha anti peulami i Aturana Musa? Bara! Agaiana modokokau Inao Malelaha lawi mohadimokau Ngkora Marasa hai mampoinalaimokau Pue Yesu.

Galatia 3:5

Naweimokau Pue Ala Inao Malelaha hai mobabehimi tanda kuasa i olomi. Ba Nababehi nodo anti peulami i Aturana Musa? Bara. Nababehi nodo, lawi mohadimokau Ngkora Marasa hai mampoinalaimokau Pue Yesu.

Epesu 5:26

Ope-ope iti Nababehi bona Napatanike mewali taunaNa, Nabahoike hangko i dosanta hai owai hai NgkoraNa,

1 Timotiu 4:6

Ane ope-ope paturo ide nupaturoahe halalunta hampepepoinalai, ina mewaliko hawina Kerisitu Yesu au maroa. Hai ina maroho mpuu lalumu anti Ngkorana Pue Ala au tapoinalai hai paturo au maroa au nupeulaimi.

1 Peturu 1:23

Lawi molambimokau katuwo au wou, hai katuwo au wou iti bara hangko i manusia au peisa mate. Katuwo iti naweikau Pue Ala au bara ara kahopoana. Molambikau katuwo au wou lawi mepoinalaimokau i Ngkorana Pue Ala au tuwo hai au bara mokahopoa.

1 Peturu 1:25

agaiana Ngkorana Pue Ala mantaha hawe i hae-haena.” Ngkorana Pue Ala iti, iami Ngkora Marasa au rapahaweamokau.