Roma 10:14 - Sura Malelaha

¹⁴ Agaiana noumba kapeisanda meraroa Iria ane bara manihe mepoinalai Iria? Noumbami kamepoinalainda ane bara manihe mohadi bambri kana Iria? Noumba karahadina ane bara mani ara au mopahaweahe.

Roma 10:14 ပူးပေါင်းရင်းမြစ်များ

Matiu 20:7

Rahanai: ‘Lawi bara ara au mampopobagongkai.’ Nauli ampu bonde iti: ‘Ane nodo, laomokau mobago i bondeku.’ Lao mpuumohe.

Yohane 20:31

Agaiana apa au kuuki ide, kuuki bona nipoinalai kaYesunami Datu Topehompo, Anana Pue Ala, hai bona molambikau katuwo maroa au bara mokahopoa hangko i pepoinalaimi Iria.

Yohane 9:36

Nauli tauna iti, “Tua, Nuuliangaana kahemana bona mepoinalaina Iria.”

Suro 19:2

Napekunehe, nauli, “Aramokau molambi Inao Malelaha i kamepoinalaimimi?” Rahanai, “Bara mani. Mogalori kihadi kaarana Inao Malelaha iti bara mani!”

Suro 8:31

Nahanai tauna iti, nauli, “Noumba kakuisana, barana ara au mamponotoa.” Roo indo, to Etiopia iti mowawahami Pilipu mengkahe i lalu karetana bona mohudahe hihimbela.

Roma 1:5

Hai anti kaYesuna, Naweina Pue Ala pewati mahile, Naangkana mewali suroNa bona iko au mobambari Ngkora Marasa i tauna au barahe to Yahudi i humalele dunia. Kupaturohe bona mepoinalaihe hai mengkoruhe i Pue Yesu, duuna hangana Yesu rapomahile.

Epesu 2:17

Kerisitu mai bona mopahawe bambari pohintuwu irikamu au karao hangko i Pue Ala hai irikami to Yahudi au hungku i Pue Ala.

Epesu 4:21

Ane nihadi mpuumi kana Iria, hai rapaturoamokau paturo au tou moula kamanotoNa,

2 Timotiu 4:17

Nauri bara ara rangangku au mamporangaina, agaiana naporangai liliuna Pue. Naweina karoho mopahopo bagongku mopahawe Ngkora Marasa bona ope-ope tauna au barahe to Yahudi peisahe mohadi bambari iti. Kahopoana, tekabahana hangko i kapate.

Titu 1:3

Mewali, i tempo au Napakanoto, Napopaisaake rara molambi katuwo maroa melempo i bagongku mobambari Ngkora. Bago iti Napoinalaiana moula hawana Pue Ala, au mohoremake hangko i huku dosanta.

Ibarani 11:6

Mewali taisa mpuu: bara ara tauna au napokatana Pue Ala ane bara mepoinalai Iria. Lawi tauna au mohungkuki Pue Ala hangangaa raisa i lalunda: Pue Ala tou-tou mpuu ara, hai batena ina mowei hurungina au maroa i ope-ope tauna au tou-tou mohaoki Pue.

Yakobu 5:15

Ane pekakae iti tou-tou mpuu hangko i pepoinalai, tomahai iti batena maoha. Hakina ina napakaoha Pue Ala, hai dosana teampungi worimi.