Roma 1:28 - Sura Malelaha

²⁸ Lawi i pekirinda barapohe paraluu moisa Pue Ala, ido hai Napogiangaami Pue Ala pekirinda mewali kadake, alana mobabehihe babehia au bara hintoto.

Roma 1:28 ပူးပေါင်းရင်းမြစ်များ

Suro 17:23

Kuisa iti, lawi i polumaongku i lalu wanuami inona, kuita penombaami hai kuita wori hambua watu penombaa au ara ukina node: ‘Penombaa i Pue au Bara Taisa.’ Mewali, pue au nipenombai au bara niisa, itimi au ina kupahaweakau.

Suro 17:32

I karahadina lolitana Paulu, arahe au moele-ele, lawi barahe mampoinalai kaarana tauna au peisa tuwo hule. Agaiana, ara worihe au manguli, “Kiunde mampehadingi mbuli lolitamu iti.”

Roma 1:18

Hangko i suruga Pue Ala mopatongawa karumpuNa i ope-ope tauna au madosa, maroa i pekirinda ba i babehianda au kadake, lawi hinangka babehia kadake ina mohomboki tauna mampeulai paturo au manoto kana i Pue Ala.

Roma 1:21

Raisato kaarana Pue Ala, agaiana barahe mengkoru Iria, hai bara wori raisa manguli ngkaia kamaroana Iria. Pekirinda kakakaraoari hangko i Pue Ala, alana makaindi lalunda.

Roma 1:24

Ido hai Napogiangaa pearaihe Pue Ala mampeulai peundeana lalunda au kadake, alana mobabehihe babehia au merikai hai hore mombedaihihe.

Roma 1:26

Mewali, anti kadanda mau menomba i Pue Ala, ido hai Napogiangaamohe moula peundeana lalunda au mepakaea iti. Hawe-hawe i towawine, barapi tedii lalunda i tobalilo. Agaiana hadua-hadua towawine mampotambiarihe hangka towawinenda.

1 Korintu 15:34

Ido hai kuuliangaakau, nipakanoto lalumi moula paturo au tou, hai nikabahami ope-ope dosami. Lawi ara manikau au bara moisa Pue Ala. Iti kupahawe bona maeakau.

2 Korintu 10:5

Kuasa iti kipake monangi tauna au mampemahilehe hai kapandenda mohomboki hangka ranganda au mampeinao moisa Pue Ala. Anti karoho au kihumba hangko i Pue Ala, kibaliki lalunda tauna iti bona mengkoruhe i Kerisitu.

Epesu 5:4

Inee worikau metatarahu ba mohowara lolita au bara mobundu au bara hintoto rahadi tauna. Aginari mangulike ngkaia kamaroana i Pue Ala.

2 Tesalonika 1:8

Hai Iami au ina mohuku tauna au barahe moisa Pue Ala hai au barahe mampeulai Ngkora Marasa au mopahawe kahemana Yesu Amputa.

2 Timotiu 3:8

Guru au mepakanawo iti, kadake pekirinda, hai barapi ara pepoinalainda, alana Pue Ala mosapuakahe. Moewahe paturo au tou, nodo Yanes hai Yambres au moewa nabi Musa i tampo Masiri hangkoia.

Titu 1:16

Rauli, moisahe Pue Ala, agaiana modongkohe, lawi babehianda bara hintoto hai apa au rauli. Kadake mpuu babehianda. Barahe matundu i hawana Pue Ala, hai bara rabuku mobabehi apa au maroa.

Pilemo 1:8

Halalungku Pilemo! Katouana, peisako kuparentai mobabehi apa au hintoto, lawi naweina Kerisitu kuasa.

2 Peturu 3:5

Tauna au mololita nodo, raoaka motuko pekirinda. Bara raunde mokatuinao noumba Pue Ala mampopewali langi hai tampo hangkoia hai NgkoraNa. Dunia ide Napopewali hangko i owai, hai lorena au ara i dunia ide mesupa hangko i owai.