Roma 1:20 - Sura Malelaha

²⁰ Kehapiri kamakuasana Pue Ala au monono hai kamahilena tuwoNa bara peisa taita, agaiana ope-ope iti peisa taita hangko i hinangka au Napopewali hungka i pewalina dunia. Mewali, bara ara manusia au peisa manguli, “Bara wongkoia kuisa kaarana Pue Ala.”

Roma 1:20 ပူးပေါင်းရင်းမြစ်များ

Matiu 5:45

Lawi ane maroa lalumi i iwalimi, babehiami ina nodo babehiana Umami au ara i suruga, hai ina tongawa kaikamuna anana Pue Ala. Lawi Pue Ala maroa laluna i ope-ope tauna. Ia mampopesupa alo i tauna au maroa hai i tauna au kadake. Napopendaulu uda i tauna au manoto hai i tauna au motengko lalunda.

Markus 10:6

Agaiana hangko i pewalina dunia, i tempona Pue Ala mampopewali manusia, ‘Napopewalihe tobalilo hai towawine.’

Yohane 1:18

Bara ara hadua au moita Pue Ala, batena pea AnaNa Haduduana au ara liliu hihimbela hai Ia. Iami au mopakanotoake kahemana Pue Ala.

Yohane 15:22

Ane kebaraNa mai mopaturohe, kebara worihe masala. Agaiana, lawi mai mpuumoNa mopaturohe, ido hai barapi ara rara mosapuaka kamasalanda.

Suro 17:29

Mewali, halalu-halalu, bara maroa ane ikita au napoanamoke Pue Ala mopahimbelake Pue Ala hai watu molindo au rababehi hangko i bulawa ba hangko i salaka ba hangko i watu moula kapande manusia.

Suro 22:1

Nauli Paulu, “Uma-uma, halalu-halalu! Nipehadingi wongkoia, lawi ina kuuliangaakau notongku.”

Roma 1:19

Katouana apa au raisa tauna kana i Pue Ala tongawami, lawi napakanotoamohe Pue Ala haduduaNa.

Roma 16:26

Agaiana ide-ide Pue Ala motudungiake tunggaiaNa i sura au rauki nabi-nabi hangkoia hai au rapahawe i ope-ope tauna moula parentana Pue Ala bona ope-ope tauna peisa mepoinalai hai mengkoru Iria. Iami Pue Ala au tuwo hawe i hae-haena,

Roma 2:1

Ido hai halalu, hema-hema pea bara ara rarana mosalai rangana. Hema au mosalai rangana himbela pea mosalai watana haduduana, lawi apa au nasalaiaa rangana nababehito wori.

Roma 2:15

Hangko i babehianda iti, tongawa kaarana Aturana Musa au teuki i lalunda. Hangko i pekirinda, tongawa wori kaarana aturana Pue Ala i lalunda, lawi hambela-hambela nauli lalunda, “Babehia iti sala,” hai hambela-hambela wori, nauli lalunda “Babehia iti maroa.”

1 Korintu 1:20

Apa bundunda tauna au mapande? Apa bundunda guru agama Yahudi? Apa bundunda tauna au mapande mololita i dunia ide? I peitana Pue Ala, ope-ope kapande manusia Naimba mbero-mbero pea.

Kolose 1:15

Pue Ala, bara taita. Agaiana peisa taita hangko i poantiNa hai kuasana Yesu, lawi poantiNa hai kuasana Yesu himbela hai Pue Ala. Yesu teimba Ana Towutu, hangko i hinangkana au Napopewali Pue Ala lawi meliu kuasaNa.

Kolose 2:9

lawi i Kerisitu au mewalimi manusia tahumba ope-ope kuasana hai poantina Pue Ala au bara ara kamakurana.

1 Timotiu 1:17

Pue Ala, Datu au poparentaNa bara mokahopoa, hintoto mpuu rabila hai ratoia, lawi Ia tuwo i hae-haena, au bara taita, hai au bara ara hasimbelana. Tapomahile hai tatoia hangaNa hawe i hae-haena. Amin.

1 Timotiu 6:16

Batena pea Ia au bara ina mate. Ia maida i lalu kamabaa au meawa ntepuu. Bara ara hadua au peisa mohungkuki ba moita, lawi Ia bara raita. Batena pea Ia au hintoto rabila hai au hintoto moparenta hawe i hae-haena. Amin.

Ibarani 11:27

Anti pepoinalaina, Musa mopalehi tampo Masiri; ia bara langa i karumpuna datunda to Masiri. Musa mantaha i lalu kapari, nodo au moitami Pue Ala, au bara raita.

Ibarani 9:14

pelumbunami wahena Kerisitu! Anti kuasana Inao Malelaha au tuwo hawe i hae-haena, Kerisitu mohuhu wataNa i Pue Ala bona rapapate mewali popenomba au bara ara kamakurana. WaheNa iti mobahoi lalunta hangko i hinangka babehianta au moantike i kapate bona peisake menomba i Pue Ala au tuwo.