Pampetudungia 9:20 - Sura Malelaha

^20-21 Agaiana manusia au bara rapapate i pepopeahi-ahi iti, mia-miahe bara menoso hangko i babehianda au kadake. Barahe mau mampenosoi pepapatenda, pedotinda, babehianda au merikai hai panangkanda. Bara worihe mokabaha penombaanda i seta hai i lengge anitu au rababehi hai taienda haduduanda. Lengge iti rababehi hangko i bulawa, salaka, tambaga ba hangko i kau. Lengge au rababehi iti, barahe meita, barahe mehadi, hai bara worihe lumao.

Pampetudungia 9:20 ပူးပေါင်းရင်းမြစ်များ

Matiu 21:32

Lawi ikamu, bara nipoinalai lolitana Yohane Toperiu au mopaturoakau rara au manoto. Agaiana toperuru asele hai towawine au bara maroa babehianda, ihirari au mepoinalai Iria. Hai nauri nodo, bara nipenosoi babehiami hai barakau mepoinalai Iria.”

Suro 17:29

Mewali, halalu-halalu, bara maroa ane ikita au napoanamoke Pue Ala mopahimbelake Pue Ala hai watu molindo au rababehi hangko i bulawa ba hangko i salaka ba hangko i watu moula kapande manusia.

Suro 19:26

Agaiana niita hai nihadimi apa au nababehi hadua tauna au rahanga Paulu. Nauli tauna iti, apa au nababehi manusia bona rapenombai bara ara kuasana. Anti pepaturona iti, bosahe tauna au meula i Paulu, hai bara pea i Epesu. I humalele propinsi Asia, batena nodo wori.

Suro 7:41

Hangko inditi, mobabehimohe lengge nodo hambaa ana japi hangko i bulawa. Lengge ana japi au rababehi iti, rapenombai hai raposambalea binata. Mosusamohe motoia apa au rababehi sadudua.

2 Korintu 12:21

Au kupokalanga: i kahawengku irikamu, Pue Ala Ampuku ina mopakaeana i lindomi, hai ina moteriana lawi bosa tauna i olomi bara manihe menoso hangko i babehianda au kedai, hangko i pebualosinda hai i potambi-tambi dele hai babehianda au merikai hai au bara hintoto rababehi.

1 Timotiu 4:1

Inao Malelaha manguli i kanoto-notoana: i alo au ina mai, arahe tauna au ina mousuli hangko i pepoinalainda i paturo au tou. Ina mengkoruhe i kuasa au menawo-nawo hai mampeulaihe paturo au hangko i seta,

Pampetudungia 15:1

Roo indo, kuita mbulimi i langi hambua tanda au mahile hai au mewulungai: pitu malaeka hai pitu pakana pepopeahi-ahi au kahopoana. Ane hopomi pepopeahi-ahi ide, opemi karumpuna Pue Ala i tauna i dunia.

Pampetudungia 16:8

Hangko indo, malaeka au kaiba mobumbuha ihi pambolia karumpuna Pue Ala i alo, hai alo rawei kuasa mopamararu manusia hai pewangkana au makere.

Pampetudungia 9:19

Kuasanda dara iti ara i nganganda hai i ikunda. Ikunda iti, nodo waa ile. Hai iku iti mampopeahi-ahihe manusia.