Pampetudungia 9:17 - Sura Malelaha

¹⁷ I lalu pampatongawa iti, moitana surodado iti hai dara au rapesawii. Surodado iti, ope-opehe mebadu besi. Badunda malei nodo api, maeta-eta nodo rambu, hai mabada ntepuu nodo watu belerang. Waa daranda nodo waa singa, hai hangko i nganganda mesuwu api, rambu hai belerang.

Pampetudungia 9:17 ပူးပေါင်းရင်းမြစ်များ

Pampetudungia 11:5

Makuasahe mampopesupa api hangko i lalu nganganda bona mopapate hema pea au mampeinao mobabehi dake irihira. Ido hai liliu mate ope-ope iwalinda au meewa.

Pampetudungia 14:10

tauna iti ina napaenuhe Pue Ala hai paenu au mapai ntepuu. Lempona, ina nakarumpui mpuuhe Pue Ala, hai bara ara kamaluluna laluNa irihira. Tauna iti ina rapopeahi-ahihe i lalu api au mahile i lindonda malaeka au malelaha hihimbela hai Ana Dimba iti.

Pampetudungia 19:20

Kahopoana binata au kadake iti rahaka hihimbela hai nabi au mepawuli iti. Ihira, ratendehe i lalu tahi api au lolaa hai au mawaa. Nabi au mepawuli iti, iami au mobabehi tanda kuasa hai kuasana binata au kadake. Anti tanda kuasa iti, ia mopakanawohe tauna au modoko tanda binata hai au menomba i lengge binata iti.

Pampetudungia 20:10

Roo nodo, Datu Tokadake iti, au mopakanawo tauna, ratende i lalu tahi api au lolaa hai au mawaa. I tahi api itimi hangkoia ratendehe binata au kadake hai nabi au mepawuli. Inditi, rapopeahi-ahi liliuhe hawe i hae-haena.

Pampetudungia 21:20

Au kalima iami watu au bula mogalo hai malei malelentoro, hangana watu unam. Au kaini iami watu au malei maeta-eta, hangana watu sardis. Au kapitu iami watu au meningki hai mabada nodo bulawa, hangana watu ratna cempaka. Au kaualu iami watu au malewau nodo tulu tadasi timboko, hangana watu pirus. Au kahahio iami watu au mabada ntepuu, hangana watu krisolit. Au kahampulo iami watu au malewau nodo loka au bara mani mangka, hangana watu krisopras. Au kahampulo hai isa iami watu au malewau nodo langi, hangana watu lasuardi. Hai au kahampulo hai dua iami watu au meninto hai malentoro, hangana watu kecubung.

Pampetudungia 21:8

Agaiana tauna au langahe i hangka ranganda pane barahe meula Iriko, tauna au barahe mepoinalai Iriko, tauna au kadake babehianda, topepapate, topobabehi au merikai, topedoti, topenomba i anitu, hai topodongko, batenda rahuku i lalu tahi api au lolaa hai mawaa. Itimi au rahanga kapate karombelana.”

Pampetudungia 9:18

Hangkira talu hangko i manusia rapapatemi hai talu pakana pepopeahi-ahi ide: api, rambu hai belerang au mesuwu hangko i nganganda dara iti.

Pampetudungia 9:9

Pondanda nabalungkuhi ruke au nodo badu besi. Pomoni kapinda nodo pomoni hangguruma kareta au radii dara lao mombeala.