Pampetudungia 6:17 - Sura Malelaha

¹⁷ Lawi hawemi alo au mewulungai. Mewali i tempo iti, Pue Ala hai Ana Dimba ina mobumbuha karumpuNda, hai bara ara hadua tauna au nabuku meangka i lindoNda.

Pampetudungia 6:17 ပူးပေါင်းရင်းမြစ်များ

Lukasi 21:36

Mewali, mainga-ingakau, hai mekakaekau i Pue Ala bona tekabahakau hangko i ope-ope kapari au ina mewali, hai bona nibuku meangka i lindoKu, Iko Ana Manusia.”

Roma 2:5

Anti kamatuana lalumi, hai anti kadami mau mobaliki babehiami au kadake, ina mantimi hukumi i alo pebotusi. I alo pebotusi iti, Pue Ala ina mobotusi ope-ope i kanoto-notoana hai mohuku ope-ope tauna au kadake babehiana.

Yudasi 1:6

Nikatuinao wori malaeka au maida i suruga hangkoia. Hantangahe moliungi tampana kuasanda, hai mopalehihe paidaanda. Malaeka iti nahiluhe Pue Ala hai rante au bara mpuu peisa mabotu, hai Natahahe i lalu paidaa au makaindi, hai ina Nataha liliuhe duuna hawe tempona hinangka kara-karanda Napohuda-hudaa i alo pebotusi au mewulungai.

Pampetudungia 11:18

Ope-ope tauna au barahe meula Irio, mohihomohe moewaKo. Agaiana hawemi tempona Nupopaitaahe karumpuMu. Hawemi tempona Nubotusi kara-karanda tauna au mate. Hawemi tempona nabi au mobambari NgkoraMu, tauna au meula Irio hai ope-ope tauna au mobilaKo, maroa au mahile ba au koi tuwonda, Nuhurungi babehianda au maroa. Hawemi tempona Nuhuku tauna au mopakarugi dunia ide.”

Pampetudungia 16:14

hai makuasahe mobabehi tanda kuasa. Laohe mokakio ope-ope datu hangko i humalele dunia, raguluhe bona mombealahe i alo pebotusi. I tempo iti, Pue Ala au makuasa ina monangi ope-ope au mampoiwali Pue Ala.