Pampetudungia 6:1 - Sura Malelaha

¹ Roo indo, kuitami Ana Dimba mobungkahi pene au kaisa hangko i pitu pene iti. Kuhadi hambaa hangko i pinatuwo au iba iti mekakio masisimbuku nodo pomoni gumpata, nauli, “Maimoko!”

Pampetudungia 6:1 ပူးပေါင်းရင်းမြစ်များ

Yohane 1:29

Kahalona, Yohane moitami Yesu mai iria. Nauli i tauna bosa, “Nipeita! Oloumi mai Ana Dimba au napasilolonga Pue Ala. Iami au ina mopahuru watanta, mohuru dosanta.

Suro 4:20

Lawi barapi peisa kipengkaroongaa mampololita apa au kiita hai au kihadimi.”

Pampetudungia 11:19

Hangko indo, tebungkahimi baba Souna Pue Ala i suruga, hai i lalu SouNa raita Peti Podandi. Liliu mombehangkemi kila, kegumpatami, kelinu, hai toami uda mowua au rumihi.

Pampetudungia 13:8

Ope-ope tauna au maida i dunia menomba iria. Au bara menomba iria, batena pearaihe tauna au teuki hanganda i lalu Sura Ngkatuwo hangko damani dunia rapopewali. Sura Ngkatuwo iti, iami surana Ana Dimba au rasambale. I lalu sura iti, teuki hanganda tauna au molambi katuwo maroa au bara mokahopoa.

Pampetudungia 14:2

Ara kuhadi pomoni au mahile hangko i suruga, nodo powoo owai au ngkaia, hai karumihina nodo pogumuru gumpata. Pomoni au kuhadi iti, nodo wori pomoni kecapi au rakalea tauna.

Pampetudungia 19:6

Roo indo, kuhadi wori ponganganda tauna au bosa ntepuu. Ponganganda iti nodo powoo owai au mahile, hai nodo pomoni gumpata. Kuhadihe manguli, “Haleluya! Toiami Pue Ala. Lawi Amputa Pue Ala moparentami! Melumbu kuasaNa hangko i hinangkana.

Pampetudungia 4:8

Pinatuwo au iba iti mokapihe ini mbuana, hai humalele watanda momata. Barahe mengkangkaroo mohowara petoianda. Maroa mabaa ba kaindi, manguli liliuhe, “Malelaha! Malelaha! Malelaha! Pue Ala iami au mahile kuasaNa hangko i ope-opena, Ia au ara hangko i nguru-nguruna, au ara ide-ide, hai au ara hawe i hae-haena!”

Pampetudungia 5:1

Hangko indo, kuita mbuli, i taie koanana Hadua au mohuda i kadera kadatua ara sura au tewilolo. Sura iti pontimali buke hai uki, rawilolo, hai rapekatandai pitu mbuana pene dati rabungkahi.

Pampetudungia 5:12

Monanimohe malaeka iti masisimbuku, rauli, “Ana Dimba au rasambale, hintoto mpuu tabila hai tatoia, tapomahile hangaNa, tabambari kamarohoNa, tapolinga peawaNa, takatuinao kamapandeNa, hai tapatolele kamakuasaNa!”

Pampetudungia 5:8

KaNaalana sura iti, pinatuwo hai totosae au rompulo hai iba molingkudumohe motumpa i lindona Ana Dimba. Ope-opehe mokingki kecapi hai mangko bulawa au buke hai anu-anu mawongi au rauli dupa. Dupa iti, lempona pekakaenda taunana Pue Ala.

Pampetudungia 6:3

Roo indo, Ana Dimba iti mobungkahi pene au karombuana, hai kuhadi pinatuwo au karombaana manguli, “Maimoko!”

Pampetudungia 6:5

Ana Dimba mobungkahi mbuli pene au katalu, hai kuhadimi pinatuwo au kataluna manguli, “Maimoko!” Kuita mbulimi hambaa dara. Dara iti maeta. Au mesawi i dara iti mokingki hambua timbanga.

Pampetudungia 6:7

Roo iti, Ana Dimba mobungkahi pene au kaiba, hai kuhadi pinatuwo au kaiba manguli, “Maimoko!”

Pampetudungia 8:1

Kanabungkahina Ana Dimba pene au kapitu, unga pea mandii i suruga ba arato pae hantanga jaa.