Pampetudungia 22:17 - Sura Malelaha

¹⁷ Inao Malelaha hai towawine au rataunaa Ana Dimba manguli, “MaimoKo!” Hai ope-ope tauna au mohadi lolita ide, hangangaa manguli worihe, “MaimoKo!” Hema au mangkadou, maimokau! Ane niunde, maimokau maenu owai au mopaara katuwo. Hai bara niholo!

Pampetudungia 22:17 ပူးပေါင်းရင်းမြစ်များ

Yohane 1:37

Karahadina topeguruna lolitana, peulanda peami i Yesu.

Yohane 4:10

Nauli Yesu, “Ane kenuisa kamahilena pewatina Pue Ala hai hemaNa au merapi owai ide, kemerapi woriko owai Iriko, hai Kuweiko owai au mepatuwo.”

Yohane 4:11

Nauli towawine iti, “Hangko iumba mai owai au Nuuli iti? PopetabuikiMu bara ara, hai tibubu ide malobu.

Yohane 4:14

Agaiana hema au moenu owai au Kuwei, barapi mangkadou hawe i hae-haena. Lawi owai au Kuwei iti, ina moili liliu i laluna; lempona, ina molambi katuwo maroa au bara mokahopoa.”

Yohane 4:29

“Maikau, laoke mampeita hadua tauna au mampololita ope-ope babehiangku. Ba Ia mpuumi Datu Topehompo?”

Yohane 7:37

Alo kahopoa posusa iti iami alo au meliu karapomahilena. I alo iti, meangkami Yesu i lalu Souna Pue Ala, hai mololita masisimbuku, Nauli, “Hema au mangkadou, maimokau maenu Iriko!

Roma 3:24

Agaiana Pue Ala mokabahamoke hangko i huku dosanta, hai Naimbake manoto i peitaNa anti kanapahurunta Kerisitu Yesu. Ope-ope iti Nawei mberoke anti kabulana laluNa.

1 Korintu 2:12

Hai ikita, barake molambi inao hangko i dunia ide, agaiana molambike Inaona Pue Ala bona taisa hinangkana au nawei mberoke Pue Ala.

Pampetudungia 14:13

Roo iti, kuhadi mbuli hambua wotu hangko i suruga au manguli, “Nuuki ide: mepongka ide-ide, morasimohe tauna au mate i lalu pepoinalainda i Yesu.” Nahanai Inao Malelaha, “Tou mpuu! Lawi tauna iti, batenda ina mengkaroo hangko i pobagonda, hai batenda ina molambi wua pobagonda.”

Pampetudungia 2:7

Hema au motalinga, hangangaa mampehadingi apa au nauli Inao Malelaha i ope-ope jumaa. Hema au menangi, Kupaliu mpuu maande wua kau ngkatuwo i Bonde Paradesi i suruga.”

Pampetudungia 21:2

Hai kuita wanua au malelaha, au rahanga Yerusale wou, mendaulu mai hangko i suruga, hangko i Pue Ala. Meawa mpuu wanua iti, nodo hadua toratauna towawine au rahampii makara-kara mampegia toratauna tobalilo.

Pampetudungia 21:6

Hangko indo, Nauliangaa mbulina, “Hopomi! Ikomi, Alpa hai Omega, Au pepongkana hai Au Kahopoana. Tauna au mangkadou, Kuweihe owai hangko i ulu owai au mopaara katuwo maroa au bara mokahopoa. Owai iti Kuwei mberohe, bara raholo.

Pampetudungia 21:9

Roo indo, maimi hadua hangko i malaeka au pitu au mokingki pambolia au buke hai pitu pakana pepopeahi-ahi au kahopoana. Nauli malaeka iti iriko, “Maiko, kutudungiako towawine au ina rabua hai Ana Dimba.”

Pampetudungia 22:1

Natudungia worina malaeka iti hambua owai au malino nodo watu au meninto; owai iti mopaara katuwo. Uluna mesuwu hangko i kadera kadatuana Pue Ala hai Ana Dimba,

Pampetudungia 22:16

Iko, Yesu, motudumoNa malaekaNgku mopahawe paturoNgku ide irikamu ope-ope jumaa. Iko pemuleanana Datu Daudi. Ikomi Betue ntanda i Mata alo au mewangka ntepuu.”

Pampetudungia 7:17

lawi Ana Dimba au meangka i hola kadera kadatua mokadipurahe. Naninihe lao i owai au mopaara katuwo. Hai Pue Ala moumpahi hinangka owai mata hangko i matanda.”