Pampetudungia 21:7 - Sura Malelaha

⁷ Hema au monangi Datu Tokadake, molambihe ope-ope iti. Ina mewaliNa Pue au rapenombai, hai ihira ina mewali anaNgku.

Pampetudungia 21:7 ပူးပေါင်းရင်းမြစ်များ

Matiu 19:29

Hema au mopalehi halaluna, inana ba umana, anana ba souna ba bondena lawi meula Iriko, batena molambi hurungina hangatu belana hangko i apa au napalehi, hai molambi wori katuwo maroa au bara mokahopoa.

Matiu 25:21

Nauli ampunda, ‘Maroa mpuu kanupopolumaona bago au kuweiko. Mewali, anti kamanotomu i bago au koi, kupoinalaiako bago au mahile. Maimoko hihimbela hai iko i lalu katana-tana.’

Matiu 25:34

Hai Iko Datu, Kuuliangaahe au ntanda i koanaNgku, ‘Maimokau au nawati UmaNgku! Mesuamokau i lalu poparentaKu. Paidaami Kupasilolonga amiamokau hungka i pewalina dunia hangkoia.

Markus 10:17

Ina meangka mbulimi Yesu mopaliliu polumaoNa, unga pea ara hadua tauna au melangka mai Iria, liliu molingkudu i lindoNa, hai mekune, nauli, “Guru au maroa, apa au hangangaa kubabehi bona molambina katuwo maroa au bara mokahopoa?”

Roma 8:14

Hema-hema au nanini Inaona Pue Ala, ihirami anana Pue Ala.

Roma 8:19

I tempo ide, hinangkana ihi dunia au napopewali Pue Ala tanganda mampegia tempona Pue Ala mopatongawa peawana tuwonda anaNahe.

2 Korintu 6:16

Peisa pae Souna Pue Ala rapopogulu hai sou penombaa i anitu? Ikita ide rapandiri nodo souna Pue Ala, lawi Pue Ala au tuwo maida i lalunta. Nodo au teuki i Ngkorana Pue: “Ina maidaNa i olonda hai ina Kuporangaihe. Ina mewaliNa Pue Ala au rapenombai, hai ihira ina mewalihe taunaNgku.”

2 Korintu 6:18

“Iko nipouma, hai ikamu, Kupoana.” Nodomi pangulina Pue Ala Au Makuasa.

Ibarani 8:10

Mewali, idemi podandi au ina Kupaara hai to Isaraeli i alo au ina mai: HawaNgku ina Kuwoli i lalu pekirinda hai Kuuki i lalunda. Ina mewalina Pue Ala au rapenombai, hai ihira ina mewalihe taunaNgku.

1 Peturu 3:9

Ane ara tauna au mobabehi dake irikamu, inee nihurungi. Ane rakakabosaikau, inee worihe nikakabosai. Agina babehianda au kadake iti nihurungi hai pekakae au mamperapiahe pewati hangko i Pue Ala. Lawi Pue Ala mokakiokau mewali taunaNa bona molambikau pewati hangko Iria.

Pampetudungia 2:11

Hema au motalinga, hangangaa mampehadingi apa au nauli Inao Malelaha i ope-ope jumaa. Hema au menangi, bara mpuuhe ina rahuku i naraka au rahanga kapate karombelana.”

Pampetudungia 2:17

Hema au motalinga, hangangaa mampehadingi apa au nauli Inao Malelaha i ope-ope jumaa. Hema au menangi, ina Kupaliuhe moande manna au tewuni. Ina Kuwei worihe haogu watu au bula. I watu iti teuki hanga au wou, au bara raisa tauna ntanina. Au moisa, batena pea au modoko watu iti.”

Pampetudungia 2:25

Nipeulai liliu apa au niisami duuNgku hawe.

Pampetudungia 2:7

Hema au motalinga, hangangaa mampehadingi apa au nauli Inao Malelaha i ope-ope jumaa. Hema au menangi, Kupaliu mpuu maande wua kau ngkatuwo i Bonde Paradesi i suruga.”

Pampetudungia 21:3

Hai kuhadi hambua wotu hangko i kadera kadatuana Pue Ala i suruga au mowotu masisimbuku, nauli, “Ide-ide paidaana Pue Ala ara hihimbela hai manusia. Pue Ala ina maida hihimbela hai ihira, hai ihira mewali taunaNa. Ia haduduaNa ina mamporangaihe hai mewali Ampunda.