Pampetudungia 21:4 - Sura Malelaha

⁴ Ia ina moumpahi ope-ope owai mata au molelea. Barapi ina ara kapate, barapi ara au masusa laluna ba au moteria hai barapi ara au mahai. Ope-ope au hangkoia iti, liumi.”

Pampetudungia 21:4 ပူးပေါင်းရင်းမြစ်များ

Matiu 24:35

Langi hai tampo ina magero, agaiana lolitaNgku batena ara hawe i hae-haena.”

1 Korintu 15:26

hai iwali au Nanangi kaopeana, iami kapate.

1 Korintu 7:31

Ikamu au mowulai anu-anu dunia, inee peakau mampekiri katuwomi i dunia ide. Lawi dunia au tapaidai ide ina tuna.

2 Korintu 5:17

Mewali, hema au mohintuwu hai Kerisitu, ia mewalimi manusia au wou. Katuwona au hangkoia liumi; ia molambimi katuwo au wou.

2 Korintu 6:17

“Mewali, hangangaa nikabaha peulami i babehianda tauna au baraNa raisa. Ineehe nipohintuwua! Nipakarao watami hangko i ope-ope babehia au kadake.”

Ibarani 12:27

NgkoraNa au manguli “hambela mani”, lempona Pue Ala ina mampopoenggo hai mogero dunia au Napopewali ide, lawi dunia ide bara mantaha hawe i hae-haena. Mewali, i alo au ina mai, Pue Ala ina mogero hinangkana bona apa au bara peisa moenggo, iti pearai au tetida.

2 Peturu 3:10

Agaiana batena mpuu ina hawe Pue! Hai i kahaweNa iti, ina tingkara mpuuhe tauna, nodo i kahawena hadua topanangka. I alo iti, ina rahadi hambua pomoni au melangaki, hai i tempo iti peami, langi ina magero. Hinangkana au ara ina naande api. Dunia ide hihimbela hai ihina ina pumpu.

1 Yohane 2:17

Dunia ide, hihimbela hai hinangka ihina, au naunde manusia ina magero. Agaiana tauna au moula peundeana Pue Ala batenda tuwo i hae-haena.

Pampetudungia 20:14

Roo indo, barapi ara tauna au ina mate lawi kapate hai paidaa tomate ina ratendemi i lalu tahi api au lolaa. Hai hema au bara teuki hangana i lalu sura ngkatuwo, ina ratende wori i lalu tahi api iti. Pehuku iti iami au rauli kapate au karombelana.

Pampetudungia 21:1

Roo indo, kuitami langi hai tampo au wou. Lawi langi hai tampo au nguru-nguruna, hai tahi barapi ara.

Pampetudungia 22:3

I lalu wanua iti barapi ara au Napaharara Pue lawi kadera kadatuana Pue Ala hai Ana Dimba ara i lalu wanua iti. Hai hawiNa menombahe Iria

Pampetudungia 7:17

lawi Ana Dimba au meangka i hola kadera kadatua mokadipurahe. Naninihe lao i owai au mopaara katuwo. Hai Pue Ala moumpahi hinangka owai mata hangko i matanda.”