Pampetudungia 21:3 - Sura Malelaha

³ Hai kuhadi hambua wotu hangko i kadera kadatuana Pue Ala i suruga au mowotu masisimbuku, nauli, “Ide-ide paidaana Pue Ala ara hihimbela hai manusia. Pue Ala ina maida hihimbela hai ihira, hai ihira mewali taunaNa. Ia haduduaNa ina mamporangaihe hai mewali Ampunda.

Pampetudungia 21:3 ပူးပေါင်းရင်းမြစ်များ

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Yohane 14:23

Nauli Yesu, “Tauna au mampokaahiNa mampeulaihe lolitaNgku. Ihirami au napokaahi UmaNgku. UmaNgku hai Iko ina mai i tauna iti hai maidaNgkai irihira.

2 Korintu 6:16

Peisa pae Souna Pue Ala rapopogulu hai sou penombaa i anitu? Ikita ide rapandiri nodo souna Pue Ala, lawi Pue Ala au tuwo maida i lalunta. Nodo au teuki i Ngkorana Pue: “Ina maidaNa i olonda hai ina Kuporangaihe. Ina mewaliNa Pue Ala au rapenombai, hai ihira ina mewalihe taunaNgku.”

2 Korintu 6:18

“Iko nipouma, hai ikamu, Kupoana.” Nodomi pangulina Pue Ala Au Makuasa.

1 Tesalonika 3:11

I lalu pekakaengki kiuli, “Pue Ala Umangki! Ampuki Pue Yesu! Kiperapi bona Nubungkahiangkai rara bona kibuku mampohidupaahe halalungki i Tesalonika.

Ibarani 11:16

Agaiana tampo au rahaoki, iami suruga au meliu kamaroana. Ido hai Pue Ala bara maea ane rauli Ia Pue Ala au rapenombai, lawi Napasilolongaamohe paidaanda i suruga.

Ibarani 8:10

Mewali, idemi podandi au ina Kupaara hai to Isaraeli i alo au ina mai: HawaNgku ina Kuwoli i lalu pekirinda hai Kuuki i lalunda. Ina mewalina Pue Ala au rapenombai, hai ihira ina mewalihe taunaNgku.

Ibarani 8:2

Ia mampopolumao bago mewali Tadulako Mpenomba Mahile i paidaa malelaha, iami Bambaru Malelaha au naaro Pue, bara au naaro manusia.

Pampetudungia 10:4

Karoona gumpata iti mololita, ina kuuki lolitana, agaiana unga pea kuhadi hambua wotu hangko i suruga au mouliangaana: “Iti inee nuuki! Hangangaa nuwuniangi apa au nauli gumpata inona.”

Pampetudungia 10:8

Roo indo, wotu au kuhadi hangko i suruga inona mouliangaa mbulina, node: “Laomoko mangala sura au tebungkahi au ara i taiena malaeka au mepangka i tahi hai i lore!”

Pampetudungia 12:10

Roo iti, kuhadi hambua wotu i suruga au mololita masisimbuku, nauli, “Hawemi tempona Amputa Pue Ala mowei katehorema i taunaNa, mopatongawa kuasaNa, hai mepongkami moparenta. Hawemi tempona Datu Topehompo au Napilei Pue Ala ina mopatongawa kamakuasaNa. Lawi Datu Tokadake rapopelohomi hangko i suruga; iami au mosalai liliuhe halalunta hampepepoinalai i lindona Amputa Pue Ala.

Pampetudungia 21:7

Hema au monangi Datu Tokadake, molambihe ope-ope iti. Ina mewaliNa Pue au rapenombai, hai ihira ina mewali anaNgku.

Pampetudungia 22:3

I lalu wanua iti barapi ara au Napaharara Pue lawi kadera kadatuana Pue Ala hai Ana Dimba ara i lalu wanua iti. Hai hawiNa menombahe Iria

Pampetudungia 7:15

Ido hai meangkahe i lindo kadera kadatuana Pue Ala, hai menombahe alo-alona hai wengi-wengina i lalu Souna Pue Ala. Hai Pue Ala au mohuda i kadera kadatuaNa ina mokampaihe.