Pampetudungia 21:23 - Sura Malelaha

²³ Wanua iti bara paraluu nasimbaki alo ba wula, lawi peawana Pue Ala mopamabaa wanua iti, hai Ana Dimba mewali nodo hulo wanua.

Pampetudungia 21:23 ပူးပေါင်းရင်းမြစ်များ

Matiu 16:27

Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.

Markus 8:38

Maidakau i olonda tauna au kadake hai au bara meula Iriko. Mewali hema au maea mopangaku peulana Iriko hai mampokaea paturoNgku, ina Kupokaea wori mopangaku kaiana topeulaNgku ane hawe suleNa hangko i suruga. I tempo iti, Iko, Ana Manusia, ina mendaulu mai hangko i suruga hihimbela hai malaeka au malelaha, hai ina meawaNa anti kuasana UmaNgku.”

Lukasi 2:32

Datu Topehompo ide iami pewangka au ina mopakanoto lalunda tauna au barahe to Isaraeli bona raisaKo, Pue. Hai Ia ide ina moanti pebila i anaMu, ikami to Isaraeli.”

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Yohane 1:18

Bara ara hadua au moita Pue Ala, batena pea AnaNa Haduduana au ara liliu hihimbela hai Ia. Iami au mopakanotoake kahemana Pue Ala.

Yohane 1:4

Iami pongka katuwo. Hai katuwoNa mopamabaa laluna manusia.

Yohane 1:9

Ngkora iti iami pewangka au tou au mopamabaa lalunda ope-ope tauna. Ia au hawe i dunia.

Yohane 17:24

Uma, peundeaKu bona ihira au NuweimoNa ina maida hihimbela hai Iko i paidaaNgku bona moitahe peawaNgku. PeawaNgku iti NuweimoNa, lawi NupokakaiaNa hangko damani dunia ide rapopewali.

Yohane 5:23

Ia mobabehi nodo bona rabilaNa ope-ope tauna nodo pebilanda i UmaNgku. Hema au baraNa mobila, bara worihe mobila UmaNgku au motuduNa.

Suro 22:11

Anti pewangka iti inona, makaindimi petotokingku. Ido hai ranini pearaina rangangku hawe i wanua Damsik.

Pampetudungia 14:4

Hai ihira iti barahe hambela modaihi watanda, malelahahe, nodo hadua towawine au bara mani hambela motambi. Iumba kalaoana Ana Dimba, indo wori kalaoanda. Ihira itimi au Nahompo Ana Dimba hangko i olonda ope-ope tauna i dunia. Nodo tauna mohuhu wua au nguru-nguruna hangko i tuda-tudanda i Pue Ala, ihira wori mewalimohe popenomba au nguru-nguruna i Pue Ala hai i Ana Dimba.

Pampetudungia 18:1

Karoona malaeka iti mololita nodo, kuita mbulimi malaeka au haduana mendaulu hangko i suruga. Kuasana mahile, hai anti pewangkana, humalele dunia mabaa.

Pampetudungia 21:11

Wanua iti mewangka anti peawana Pue Ala. Mengkila-ngkila nodo paramata au masuli hai nodo watu yaspis. Malino nodo watu au meninto.

Pampetudungia 21:25

Baba bente wanua iti tebungkahi liliu, barapi ina tetuko, lawi kaindi barapi ara.

Pampetudungia 22:5

Barapi ara kaindi, hai ampu boea iti barapohe moparaluu hulo ba pesimbaki alo, lawi pewangkana Pue Ala au ina mosimbakihe. Hai ina moparentahe nodo datu hawe i hae-haena.

Pampetudungia 5:6

Roo indo, kuita i olo kadera kadatua hai pinatuwo au iba hai totosae iti, meangkami hambaa Ana Dimba. Hai kuita arami lari pesambalea. TanduNa pitu mbuana, hai mataNa wori pitu. MataNa au pitu iti, lempona Inaona Pue Ala au mampopolumao pitu pakana bago hai au Natudu lao i humalele dunia.

Pampetudungia 7:17

lawi Ana Dimba au meangka i hola kadera kadatua mokadipurahe. Naninihe lao i owai au mopaara katuwo. Hai Pue Ala moumpahi hinangka owai mata hangko i matanda.”