Pampetudungia 21:22 - Sura Malelaha

²² I lalu wanua iti bara huba hambua sou penombaa au kuita, lawi au raimba sou penombaa i wanua iti iami Pue, Pue Ala Au Makuasa, hai Ana Dimba iti.

Pampetudungia 21:22 ပူးပေါင်းရင်းမြစ်များ

Matiu 24:2

Nauliangaahe Yesu, “Niitami ope-ope iti. Bona niisa, bara ina ara haogu watu au mentara i paidaana. Batena ope ragero.”

Yohane 10:30

Iko hai UmaNgku, hadua peaNgkai.”

Yohane 13:32

Hai ane apa au mewali Iriko mopakahile Pue Ala, Pue Ala ina mopamahile woriNa hai kuasaNa. Au Kupololita ide ina holiga pewalina.

Yohane 4:21

Nauli Yesu, “Ina, nupoinalai lolitaNgku ide: ina hawe tempona, bara i Yerusale tauna menomba i Pue Ala, hai bara wori i bulu ide.

Yohane 4:23

Agaiana ina hawe tempona, hai katouana hawemi tempo iti, i lalu peninina Inao Malelaha ina moisa mpuuhe hema Pue Ala i katou-touana, hai ina menombahe Iria, moula rara mpenomba au naunde Pue Ala Umanta.

Kolose 1:19

Ope-ope ide mampololita kana i Kerisitu, lawi Pue Ala mopakanoto bona ope-ope au ara Iria ara wori i AnaNa.

Kolose 2:9

lawi i Kerisitu au mewalimi manusia tahumba ope-ope kuasana hai poantina Pue Ala au bara ara kamakurana.

Pampetudungia 1:8

Nauli Pue Ala: “Ikomi Alpa hai Omega. Ikomi pepongkana hai au kahopoana. AraNa hangko i nguru-nguruna, ide-ide, hai batena ara liliuNa hawe i hae-haena. KuasaNgku melumbu hangko i hinangkana.”

Pampetudungia 11:17

rauli, “Pue Ala, kamahilena kuasaMu melumbu hangko i ope-opena. AraKo mpolinguruna hai araKo ide-ide. O Pue, kiuli ngkaia kamaroana Irio, lawi Nupatongawami kamakuasaMu au mahile, hai mepongkamoKo moparenta.

Pampetudungia 14:4

Hai ihira iti barahe hambela modaihi watanda, malelahahe, nodo hadua towawine au bara mani hambela motambi. Iumba kalaoana Ana Dimba, indo wori kalaoanda. Ihira itimi au Nahompo Ana Dimba hangko i olonda ope-ope tauna i dunia. Nodo tauna mohuhu wua au nguru-nguruna hangko i tuda-tudanda i Pue Ala, ihira wori mewalimohe popenomba au nguru-nguruna i Pue Ala hai i Ana Dimba.

Pampetudungia 15:3

Mamponanimohe nanina nabi Musa, hawina Pue Ala hangkoia, hai nani pebilanda i Ana Dimba. Node naninda: “O Pue Ala, mahile hai maroa ntepuu babehiaMu, Melumbu kuasaMu hangko i hinangkana! Ope-ope au Nubabehi, manoto hai tou. Oiomi datunda ope-ope tauna i dunia.

Pampetudungia 16:14

hai makuasahe mobabehi tanda kuasa. Laohe mokakio ope-ope datu hangko i humalele dunia, raguluhe bona mombealahe i alo pebotusi. I tempo iti, Pue Ala au makuasa ina monangi ope-ope au mampoiwali Pue Ala.

Pampetudungia 16:7

Roo indo, kuhadi hambua wotu hangko i meja pohuwea popenomba au manguli, “O Pue Ala, manoto hai hintoto pehukuMu. KuasaMu melumbu hangko i hinangkana!”

Pampetudungia 19:15

Hangko i lalu ngangaNa, mesuwumi hamata piho au mataru. Hai piho iti, Ia monangi ope-ope tauna i dunia. Roo indo, Naparentahe hai kamarohoNa au nodo kamaroho lai besi. Ia au moupi wua anggoro i lalu popiengaa anggoro. Popiengaa anggoro iti iami karumpuna Pue Ala au makuasa.

Pampetudungia 4:8

Pinatuwo au iba iti mokapihe ini mbuana, hai humalele watanda momata. Barahe mengkangkaroo mohowara petoianda. Maroa mabaa ba kaindi, manguli liliuhe, “Malelaha! Malelaha! Malelaha! Pue Ala iami au mahile kuasaNa hangko i ope-opena, Ia au ara hangko i nguru-nguruna, au ara ide-ide, hai au ara hawe i hae-haena!”

Pampetudungia 5:6

Roo indo, kuita i olo kadera kadatua hai pinatuwo au iba hai totosae iti, meangkami hambaa Ana Dimba. Hai kuita arami lari pesambalea. TanduNa pitu mbuana, hai mataNa wori pitu. MataNa au pitu iti, lempona Inaona Pue Ala au mampopolumao pitu pakana bago hai au Natudu lao i humalele dunia.

Pampetudungia 7:15

Ido hai meangkahe i lindo kadera kadatuana Pue Ala, hai menombahe alo-alona hai wengi-wengina i lalu Souna Pue Ala. Hai Pue Ala au mohuda i kadera kadatuaNa ina mokampaihe.

Pampetudungia 7:17

lawi Ana Dimba au meangka i hola kadera kadatua mokadipurahe. Naninihe lao i owai au mopaara katuwo. Hai Pue Ala moumpahi hinangka owai mata hangko i matanda.”