Pampetudungia 21:18 - Sura Malelaha

¹⁸ Bente iti rababehi hangko i watu au masuli, hangana watu yaspis. Boea iti rababehi hangko i bulawa ntepuu au mengkila nodo kaca.

Pampetudungia 21:18 ပူးပေါင်းရင်းမြစ်များ

Pampetudungia 21:11

Wanua iti mewangka anti peawana Pue Ala. Mengkila-ngkila nodo paramata au masuli hai nodo watu yaspis. Malino nodo watu au meninto.

Pampetudungia 21:19

Pohudaa bente wanua iti, rawoli hampulo hai rompaka watu au makara hai au montani-ntani. Au kaisa iami watu au meninto hai maalusu, hangana watu yaspis. Au kadua iami watu au meninto hai malewau ntepuu nodo tahi au lene, hangana watu nilam. Au katalu iami watu au bula hai mengkila, hangana watu mirah. Au kaiba iami watu au malewau nodo tawe, hangana watu samrud.

Pampetudungia 21:21

Babaka au hampulo hai rombua iti, ope-ope rababehi hangko i watu au maluha, hangana mutiara. Ogu-oguna babaka rababehi hangko i haogu mutiara au mahile. Rara i wanua iti rababehi hangko i bulawa ntepuu au mengkila-ngkila nodo kaca.

Pampetudungia 4:6

I lindo kadera kadatua iti, ara wori lanta au nodo tahi, malino mpuu nodo kaca ba watu au meninto. Kadera kadatua au masuku iti, natoleliki iba pinatuwo au ngkaia matanda. Humalele watanda nakaarai mata, maroa i lindonda maroa i taleunda.