Pampetudungia 19:8 - Sura Malelaha

⁸ Ia rawei hampi au maluha, au bula meningki hai au mengkila-ngkila.” Hampi bula iti lempona babehianda taunana Pue Ala au maroa.

Pampetudungia 19:8 ပူးပေါင်းရင်းမြစ်များ

Matiu 17:2

Temponda ara inditi, mobalimi lenggena Yesu. LindoNa mewangka nodo alo, hai hampiNa mengkila-ngkila.

Matiu 22:12

Nauli datu: ‘Ene, moapari hai maiko i posusaa barako mehampi posusa?’ Bara mehana.

Markus 9:3

HampiNa mewali bula mengkila-ngkila; bara ara hadua tauna i dunia ide au peisa mobahoi badu duuna nodo pengkilana.

Lukasi 24:4

Wuli mani lalunda moita iti, unga peahe ara rodua tobalilo au mehampi mengkila-ngkila meangka i holanda.

Suro 1:10

Tanganda mani mengoa mototoki pengkaoreNa, unga peahe moita rodua tobalilo au mehampi bula, meangka i olonda.

Roma 13:14

Hangangaa tapeulai babehiana Pue Yesu Kerisitu i lalu katuwonta, inee tapeulai peundeana lalunta au kadake.

Roma 3:22

Pue Ala mopamanotoke i peitaNa ane mepoinalaike i Yesu Kerisitu. Iti Nababehi i ope-ope tauna au mepoinalai, barake Napopontani-ntani.

Pampetudungia 15:4

Pue, hema pae au bara meula Irio? Hema pae au bara mopangaku kamasukuna tuwoMu? Lawi Oio pea au malelaha. Ope-ope tauna batena menomba Irio, Lawi tongawami katouna pobotusiMu i hinangkana.”

Pampetudungia 15:6

Hai pitu malaeka au moanti pitu pakana pepopeahi-ahi mesuwuhe hangko i Souna Pue Ala. Hampinda rababehi hangko i bana au bula meningki hai au mengkila-ngkila. Pondanda rawewehi bulawa au nodo pampou.

Pampetudungia 19:14

Ope-ope surodado hangko i suruga au meula i bokoNa, modara worihe dara bula. Hampinda, bana lena maalusu au bula hai bara kedai.

Pampetudungia 3:18

Ido hai Kuweikau lolita ide: niholomi Iriko bulawa au rapamalelahami i api. Niholo wori Iriko hampi au bula bona mebadukau hai tetabungi eami. Hai niholo wori Iriko pakuli nipoporirohi matami bona meitakau. Ane nodo, ina pebukukau i pepoinalaimi.