Pampetudungia 19:17 - Sura Malelaha

¹⁷ Roo indo, kuitami hadua malaeka au meangka i wongko alo. Malaeka iti mokakio ope-ope tadasi au membaro-mbaro i laerawa masisimbuku, nauli, “Maimokau i posusa mahile au napaara Pue Ala.

Pampetudungia 19:17 ပူးပေါင်းရင်းမြစ်များ

Pampetudungia 14:6

Moita worina hadua malaeka ntanina au membaro i laerawa. Malaeka iti mobambari Ngkora Marasa au bara ara katebaliana hawe i hae-haena. Ngkora Marasa iti nabambari i humalele tauna i dunia, i ope-ope kadatua, ope-ope pemulea hai i hinangkana basa.

Pampetudungia 19:21

Mewali, Topesawi i dara au bula mopapate ope-ope surodadona binata, Nabatahe hai pihoNa au mesuwu hangko i ngangaNa. Hai roo indo, hawe mpuumohe tadasi. Tadasi iti, moandehe onto tauna au rapapate hawehe mabuhu.

Pampetudungia 8:13

Hangko inditi kuita, ara hambaa tadasingkaia au membaro i laerawa. Kuhadimi tadasi iti mololita masisimbuku, nauli, “Hurewu! Hurewu! Hurewumohe tauna au maida i dunia, ane talu malaeka au kahopoana motawue tatamburunda.”