Pampetudungia 18:9 - Sura Malelaha

⁹ Datu i dunia mampeulaihe babehianda to Babeli au merikai, hai nodohe to Babeli, ihira mampeulai peahe peundeana lalunda au kadake. Mewali, ane datu iti moitahe rambu au mengkaore hangko i wanua Babeli au rahuwe, ina rateriahi kamagerona.

Pampetudungia 18:9 ပူးပေါင်းရင်းမြစ်များ

1 Timotiu 5:11

Ane tobemba au mangura mani, inee rauki hanganda i lalu sura poukia hanga-hanga tobemba. Lawi ane ara mani peundeana lalunda motambi, batenda ina motambi. Kahopoana masalahe lawi moliungihe dandinda i Kerisitu.

Pampetudungia 14:11

Rambu api au mampopeahi-ahihe ina mengkaore liliu hawe i hae-haena. Maroa mabaa ba kaindi, tauna iti ina rapopeahi-ahi liliuhe, lawi menombahe i binata au kadake hai i lengge binata iti, hai modokohe tanda hangana binata iti.”

Pampetudungia 17:2

Datu-datu i dunia mobabehihe babehia au merikai hai ia, hai ope-ope tauna au maida i dunia napaenuhe hai paenuna au melangui iti, lempona ia nawawahahe mampeulai babehiana au merikai.”

Pampetudungia 18:18

mampeita rambu au mengkaore hangko i api au moande wanua iti. Mololitahe, rauli, “Marugi mpuu wanua au mahile! Bara ara pahuruna!”

Pampetudungia 18:20

Hangangaa matanakau, ikamu au maida i suruga. Nipokatanami kamagerona wanua Babeli! Hangangaa matanakau, ikamu taunana Pue Ala, ikamu ope-ope suroNa hai nabiNa! Lawi Pue Ala mohukumohe to Babeli, mohurungi babehianda au kadake irikamu.

Pampetudungia 18:3

Mageromi wanua Babeli, lawi to Babeli mowawaha tauna i humalele dunia bona maenu paenu au melangui. Lempona: mowawahahe tauna mampeulai babehianda au kadake. Ope-ope datu i dunia mampeulaihe babehianda au merikai iti. Hai topobalu-balu i dunia mewalihe tauna au pebuku hangko i mampopengaa peundeanda to Babeli.”

Pampetudungia 18:7

Hangangaa rapopeahi-ahihe hai rapamaparihe, lawi mampemahilehe, rauli: ‘Iko datu towawine. Barana tobemba. Barana ina molambi kapari.’

Pampetudungia 19:3

Monganga mbulimohe tauna bosa iti, rauli, “Haleluya! Rambu hangko i api au moande wanua iti mengkaore liliu hawe i hae-haena.”

Pampetudungia 2:22

Mewali, ina Kupoparumpaa haki bona napaturua. Batena mantodiha mpuu i paturuana nodo wori hai hampombebualosinahe. Tauna au barahe mokabaha peulanda i babehiana towawine iti, ina rumihi wori pantodihanda.