Pampetudungia 17:9 - Sura Malelaha

⁹ Hangangaa tapepekiri maroa bona taisa lempona lolita ide. Pitu waa binata iti, lempona pitu oguna bulu, pohudaana towawine iti. Hai waa au pitu iti, lempona wori datu au pitu.

Pampetudungia 17:9 ပူးပေါင်းရင်းမြစ်များ

Matiu 13:11

Nahanai Yesu, “Hangkoia, tewuniangi mani paturo kana i poparentana Pue Ala. Ide-ide Naweikau Pue Ala pekiri bona niisa lempona paturo iti. Agaiana ane tauna bosa, barahe Nawei pekiri molempo paturo iti.

Matiu 24:15

“Hangkoia nabi Danieli mampololita kahawena au rahanga ‘Dake au Mepamaropu.’ (Hema au mobasa lolita ide, niparesa lempona!) Ane niita au natunggai Danieli iti meangka i Souna Pue Ala,

Pampetudungia 13:1

Roo indo, kuita hambaa binata au mesuwu hangko i tahi. Tanduna hampulo mbuana, hai waana pitu oguna. I ope-ope tanduna, ara songko datu, hai i ope-ope waana, teuki hanga-hanga pekakabosai i Pue Ala.

Pampetudungia 13:18

Hangangaa taperapi kanoto lalu hangko i Pue Ala bona taisa lempona lolita ide. Hema au mapande, peisahe moimba hai moisa lempona angka binata iti. Lawi angka iti, iami hangana hadua tauna. Hai angka iti iami ini atuna ini pulona hai ini.

Pampetudungia 17:18

Mewali, towawine au nuita iti, lempona wanua au mahile au naparenta hadua datu au mokuasai ope-ope datu i dunia.”

Pampetudungia 17:3

Nakuasaina Inao Malelaha, hai malaeka iti moantina lao i pada wungi. Inditi kuita hadua towawine au mesawi i hambaa binata au malei ntepuu, hai i humalele watana teuki lolita pekakabosai i Pue Ala; waana binata iti pitu hai tanduna hampulo mbuana.

Pampetudungia 17:7

Hangko inditi, malaeka au moantina mololita, nauli, “Moapari hai tingkarako? Bara pae nuisa lempona towawine iti hai binata au napesawii? Ide-ide, ina kupakanotoako lempona. Binata iti, mowaa pitu hai motandu hampulo mbuana.