Pampetudungia 17:17 - Sura Malelaha

¹⁷ Hai apa au rababehi iti, batenami tunggaiana Pue Ala. Lawi Pue Ala mampopokale lalunda datu iti bona mampopolumaohe tunggaiaNa. Ido hai datu iti, hampepekirihe mowei kuasa poparentanda i binata bona tepabukei mpuu apa au napahawe Pue Ala.

Pampetudungia 17:17 ပူးပေါင်းရင်းမြစ်များ

Lukasi 22:22

Iko Ana Manusia hangangaa mateNa nodo au napakanotomi Pue Ala. Agaiana hurewumi tauna au mampobaluNa iti!”

Lukasi 22:3

Roo indo, Yudasi au rahanga wori Iskariot, hadua hangko i topeguruna Yesu au hampulo hai rodua, napesuangimi Datu Tokadake.

Lukasi 22:37

Lawi teukimi node i lalu Sura Malelaha: ‘Datu Topehompo ina rapahimbela hai tauna au kadake.’ Hai apa au teuki ide hangangaa mewali Iriko, lawi ope-ope au teuki i lalu Sura Malelaha kana Iriko, batena ina tepabukei.”

Yohane 10:35

Apa au teuki i lalu Sura Malelaha iti, bara ara katebaliana. Mewali, ane Sura Malelaha manguli ‘pue alakau’ i tauna au motarima Ngkorana Pue Ala hangkoia, pelumbunami Iko.

Yohane 13:18

Apa au Kupololita inona, barakau nakanai ope-ope. Hema-hema au Kupilei Kuisa, amimi poampena. Agaiana hangangaa tepabukei apa au teuki i lalu Sura Malelaha au manguli: ‘Hadua tauna au maande hihimbela hai Iko, ia au ina mampoiwaliNa.’

Yohane 13:2

Kaindi iti Yesu hai topeguruNa maande sambelahe. I tempo iti, Datu Tokadake mokaleami laluna Yudasi anana Simo Iskariot bona mampobalu Yesu.

Yohane 19:24

Ido hai mohawamohe, rauli, “Kumba ide inee taboho-boho, agina motendeke dadu mopakanoto hema au molambi.” Iti mewali bona tepabukei apa au teukimi i lalu Sura Malelaha hangkoia au manguli: “HampiKu raala hai rakira-kira. Au molambi kumbaKu rapakanoto hai dadu.” Mewali, apa au rababehi surodado iti mopabukei apa au teukimi hangkoia.

Yohane 19:28

Naisa Yesu hinangka tunggaiaNa mai i dunia hopomi pane mololitami, Nauli, “MangkadouNa” bona tepabukei apa au teukimi i lalu Sura Malelaha.

2 Korintu 8:16

Kuuli ngkaia kamaroana i Pue Ala, lawi Ia au mampopokale laluna Titu pane madota motulungikau. Tunggaiana Titu iti, himbela wori hai tunggaiaki.

Pampetudungia 15:1

Roo indo, kuita mbulimi i langi hambua tanda au mahile hai au mewulungai: pitu malaeka hai pitu pakana pepopeahi-ahi au kahopoana. Ane hopomi pepopeahi-ahi ide, opemi karumpuna Pue Ala i tauna i dunia.

Pampetudungia 17:13

Datu au hampulo iti, hampepekirihe motulungi binata au kadake. Ope-ope kamarohonda hai kamakuasanda rawei binata au kadake.

Pampetudungia 19:9

Hangko indo, malaeka iti mouliangaana, “Nuuki node: morasihe tauna au rakakio lao i posusa petauna Ana Dimba.” Hai nauli mbuli, “Idemi lolitana Pue Ala, hai batena tou.”

Pampetudungia 6:11

Ope-ope raweihe hantau badu ngkalanga au bula. Hai nauliangaahe Pue Ala, “Nipegia hampai, lawi ara manihe rangami au hampopobago hai halalumi hampepepoinalai au ina rapapate nodo ikamu. Ane handami kabosami au rapapate, hangko Kuhurungirihe iwalimi.”