Pampetudungia 16:2 - Sura Malelaha

² Lao mpuumi malaeka au nguru-nguruna mobumbuha ihi pambolia pehukuna Pue Ala i dunia. Unga pea meumba bihu au meringkui i tauna au ara tanda binata kadake hai menomba i lengge binata iti.

Pampetudungia 16:2 ပူးပေါင်းရင်းမြစ်များ

Suro 12:23

Anti pampemahilena, Herode bara mobila hai bara mau motoia Pue Ala. Ido hai unga pea nahuku malaekana Pue pane kekaindoro alana mate.

Pampetudungia 13:12

Hai ope-ope kuasa hangko i binata au hawe nguru-nguruna, napopolumao binata karombaana iti. Binata au karombaana iti mopasimbuku ope-ope tauna au maida i dunia bona menombahe i binata au nguru-nguruna au raita, hangkoia ara belana agaiana maohami.

Pampetudungia 14:16

Hangko inditi, tauna au mohuda i wongko gawu iti motewoka mpuumi kandaoNa, hai mampeparemi ihi dunia.

Pampetudungia 14:9

Roo indo, meusu mbuli malaeka au katalu, hai mololitami masisimbuku, nauli, “Hema-hema au menomba i binata au kadake hai i lengge binata iti, hai hema-hema au modoko tanda binata iti i wingkenda ba i taienda,

Pampetudungia 16:1

Kuhadi mbulimi hambua wotu au mololita masisimbuku hangko i lalu Souna Pue Ala i malaeka au pituhe, nauli, “Laomokau mobumbuha ihi pambolia karumpuna Pue Ala i wongko dunia!”

Pampetudungia 16:11

Hangko inditi, mopapakoimohe Pue Ala au i suruga anti kamahainda hai bihu iti. Agaiana barahe menoso hangko i babehianda au kadake.

Pampetudungia 8:7

Malaeka au kaisa motawue tatamburuna, hai unga pea ara uda mowua hangko i langi. Nodo wori, api mogalo wahe toami i dunia. Tehuwemi pandulu hai ope-ope hehi malewau i hangkira talu dunia.