Pampetudungia 16:14 - Sura Malelaha

¹⁴ hai makuasahe mobabehi tanda kuasa. Laohe mokakio ope-ope datu hangko i humalele dunia, raguluhe bona mombealahe i alo pebotusi. I tempo iti, Pue Ala au makuasa ina monangi ope-ope au mampoiwali Pue Ala.

Pampetudungia 16:14 ပူးပေါင်းရင်းမြစ်များ

Matiu 24:14

Hai Ngkora Marasa kana i poparentana Pue Ala batena rabambari i humalele dunia bona rahadi ope-ope tauna, hangko haweri kahopoa dunia.”

Matiu 24:24

Lawi ina hawe bosa tauna au mepakanawo au manguli Datu Topehompohe ba nabihe. Ina mobabehihe tanda kuasa hai tanda au metingkarai bona mopakanawohe bosa tauna. Ane peisa, mogalo tauna au napilei Pue Ala, rapakanawo wori.

Markus 13:22

Lawi ina hawe bosa tauna au mepakanawo au moulihe kaihirana Datu Topehompo, ba au mouli kaihirana nabi. Ina mobabehihe tanda kuasa hai tanda au metingkarai bona mopakanawohe bosa tauna. Rapari-pari wori ane peisa, maitu tauna au napileimohe Pue Ala mewali taunaNa, rapakanawo wori.

Lukasi 2:1

I tempo iti, mohawami Kaisar Agustus bona ope-ope tauna i humalele kadatua Roma rauki hanganda bona raisa kabosanda.

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

Roma 1:8

Ioru, mopahawena katana lalungku i Ampuku Pue Ala i lalu hangana Yesu Kerisitu, anti kaikamuna halalu, lawi tebambarimi i humalele dunia kamarohona pepoinalaimi i Pue Yesu.

2 Tesalonika 2:9

Manusia Kadake iti ina hawe hai kuasana Datu Tokadake, hai kuasa iti ina napake mobabehi ngkaia pakana tanda kuasa au mepakanawo.

1 Timotiu 4:1

Inao Malelaha manguli i kanoto-notoana: i alo au ina mai, arahe tauna au ina mousuli hangko i pepoinalainda i paturo au tou. Ina mengkoruhe i kuasa au menawo-nawo hai mampeulaihe paturo au hangko i seta,

Yakobu 3:15

Kanoto lalu au nodo, bara hangko i Pue Ala, agaiana hangko i dunia, hangko i peundeana lalunta hai hangko i seta!

1 Yohane 5:19

Hai taisami: ikita ide napoanamoke Pue Ala, hai ope-ope dunia ide nakuasai Datu Tokadake.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.

Pampetudungia 13:3

I haogu waa au pitu iti, kuita ara bela au kenapomate, agaiana maohami. Tauna i humalele dunia, mampomakarahe binata iti, ido hai meulahe iria.

Pampetudungia 16:7

Roo indo, kuhadi hambua wotu hangko i meja pohuwea popenomba au manguli, “O Pue Ala, manoto hai hintoto pehukuMu. KuasaMu melumbu hangko i hinangkana!”

Pampetudungia 17:14

Ina mampombealaa Ana Dimba. Agaiana ina nanangihe Ana Dimba iti, lawi iami Pue hangko i ope-ope pue hai Datu hangko i ope-ope datu. Ana Dimba iti ina raporangai taunaNa au Nakakio hai au Napilei, hai au meula liliuhe Iria.”

Pampetudungia 20:8

hai ia ina lao mopakanawo tauna i humalele dunia, au rapandiri nodo Gog hai Magog. Hai naguluhe bona naantihe lao mombeala. Kabosanda nodo wungi i wiwi ntahi.

Pampetudungia 3:10

Anti kanipeulaina hawaNgku au manguli hangangaa mantahakau, ido hai ina Kupeparaikau hangko i kapari au ina morumpa humalele dunia. Ope-ope tauna au maida i dunia, ina rapetandakahe i tempo kapari iti.

Pampetudungia 6:17

Lawi hawemi alo au mewulungai. Mewali i tempo iti, Pue Ala hai Ana Dimba ina mobumbuha karumpuNda, hai bara ara hadua tauna au nabuku meangka i lindoNda.