Pampetudungia 16:10 - Sura Malelaha

¹⁰ Malaeka au kalima mobumbuhami ihi pambolia karumpuna Pue Ala i kadera kadatuana binata au kadake iti. I humalele kadatuana, unga pea makaindi, hai ope-ope tauna mokekimohe dilanda anti pantodihanda.

Pampetudungia 16:10 ပူးပေါင်းရင်းမြစ်များ

Matiu 13:42

Ope-ope tauna iti ina ratendehe i lalu api au lolaa. Inditi, ina moteria hai mantodiha liliuhe.

Matiu 13:50

Tauna au kadake ina ratende i lalu api naraka. Ihira ina moteria hai mantodiha liliuhe.”

Matiu 22:13

Hangko indo, datu iti motuduhe hawina, nauli: ‘Nihilu bitina hai taiena, hai nitende i raoa i lalu kakaindiana! Inditi, ia ina moteria hai mantodiha.’ ”

Matiu 24:51

Hawi iti ina napapahai hai natende i raoa nodo hadua topodongko. Inditi, ia ina moteria hai mantodiha.”

Matiu 8:12

Katouana, ketoYahudirihe au hintoto mewali taunana Pue Ala i lalu poparentaNa. Agaiana bosahe ina ratende i lalu kakaindiana au karao hangko i Pue Ala. Inditi, ina moteria hai mantodiha liliuhe.”

Lukasi 13:28

I tempo iti, ina moitakau toiorumi hangkoia nodo Burahima, Isaki hai Yako hai ope-ope nabi. Ina mohudahe matana-tana i lalu poparentana Pue Ala. Agaiana ikamu ina moteteriakau hai mantodiha liliukau, lawi rapotukoakau baba, hai ikamu i raoa pearaikau.

1 Peturu 2:17

Niadaihe ope-ope tauna. Nipokaahi halalumi hampepepoinalai, mengkorukau i Pue Ala, hai nibila datumi.

Pampetudungia 11:10

Tauna kadake au maida i dunia ina mampokatana kapatenda nabi au rodua iti. Ina mosusahe hai mombeparaseengihe, lawi nabi au rodua iti, au mampopeahi-ahihe hangkoia, matemohe.

Pampetudungia 11:2

Agaiana inee Nuhoka tabangaa Souna Pue Ala. Lawi tabangaa iti, rapasilolongaamohe tauna au bara to Yahudi, au ina moihe-iheki wanua au malelaha iti i lalu iba pulona hai rombula.

Pampetudungia 11:8

Karoonda sabi au rodua iti rapapate, watanda rapogiangaa i tanga rara wanua au mahile. (Wanua au mahile iti, iami wanua karapakuana Ampunda au rapandiri nodo wanua Sodomo hai tampo Masiri hangkoia, lawi kadake mpuuhe ampu boea iti.)

Pampetudungia 17:17

Hai apa au rababehi iti, batenami tunggaiana Pue Ala. Lawi Pue Ala mampopokale lalunda datu iti bona mampopolumaohe tunggaiaNa. Ido hai datu iti, hampepekirihe mowei kuasa poparentanda i binata bona tepabukei mpuu apa au napahawe Pue Ala.

Pampetudungia 17:9

Hangangaa tapepekiri maroa bona taisa lempona lolita ide. Pitu waa binata iti, lempona pitu oguna bulu, pohudaana towawine iti. Hai waa au pitu iti, lempona wori datu au pitu.

Pampetudungia 18:2

Ia monganga masisimbuku, nauli, “Magero! Mageromi Babeli, wanua au mahile! Mepongka ide-ide, wanua ide rapaidaimi seta, tokadake, hai hinangka tadasi au rapalia hai rakahihi.

Pampetudungia 18:21

Roo indo, hadua malaeka au maroho moangkami haogu watu au kamahilena meliu hangko i riso, hai naweduka i lalu tahi, nauli, “Nodo watu ide raweduka i lalu tahi hai barapi ina ralambi hule, nodo wori wanua Babeli au mahile ina rapatuna, hai barapi ina raaro hule.

Pampetudungia 18:23

Barapi ina ara au mopatuwo hulo. Barapi ina ara wotu toratauna. Barapi ina ara wotu posusa petauna. Ope-ope iti ina mewali lawi hangkoia topobalu-balu i Babeli mahile hanganda i dunia, hai anti kapangisanda au kadake, mopakanawomohe ope-ope tauna i dunia.

Pampetudungia 8:12

Malaeka au kaibana motawue tatamburuna, hai unga pea ara au motabungi hangkira talu hangko i alo, wula hai betue, alana hangkira talu hangko i pewangkanda barapi mewangka. Mewali, ane pualo, hangkira talu hangko i pewangka alo bara mewangka nodo biasa. Nodo wori ane kaindi, hangkira talu hangko i wula hai hangkira talu hangko i ope-ope betue bara mewangka nodo biasa.

Pampetudungia 9:2

Betue iti mobungkahi mpuumi baba kabe ngkapate. Kanabungkahina, mengkaoremi rambu au moramuku, nodo rambu au mesupa hangko i tinewo au rahuwe. Alo hai laerawa mewali makaindi nabalungkuhi rambu au hangko i kabe ngkapate.