Pampetudungia 15:6 - Sura Malelaha

⁶ Hai pitu malaeka au moanti pitu pakana pepopeahi-ahi mesuwuhe hangko i Souna Pue Ala. Hampinda rababehi hangko i bana au bula meningki hai au mengkila-ngkila. Pondanda rawewehi bulawa au nodo pampou.

Pampetudungia 15:6 ပူးပေါင်းရင်းမြစ်များ

Lukasi 24:4

Wuli mani lalunda moita iti, unga peahe ara rodua tobalilo au mehampi mengkila-ngkila meangka i holanda.

Pampetudungia 1:13

I olo pambolia biti hulo iti, kuita hadua tauna au lenggeNa nodo Ana Manusia. HampiNa mandoe hawe i bitiNa hai pondaNa nawewehi bulawa au nodo pampou.

Pampetudungia 14:15

Roo indo, ara hadua malaeka ntanina au hawe hangko i Souna Pue Ala. Ia mololita masisimbuku i tauna au mohuda i wongko gawu iti, nauli, “Nutewokami kandaoMu hai meparemoKo! Tempo mepare hawemi, lawi ihi dunia mangkami.”

Pampetudungia 14:17

Roo indo, kuitami malaeka ntanina au mesuwu hangko i Souna Pue Ala au i suruga mokingki wori kandao au mataru.

Pampetudungia 15:1

Roo indo, kuita mbulimi i langi hambua tanda au mahile hai au mewulungai: pitu malaeka hai pitu pakana pepopeahi-ahi au kahopoana. Ane hopomi pepopeahi-ahi ide, opemi karumpuna Pue Ala i tauna i dunia.

Pampetudungia 19:8

Ia rawei hampi au maluha, au bula meningki hai au mengkila-ngkila.” Hampi bula iti lempona babehianda taunana Pue Ala au maroa.