Pampetudungia 14:7 - Sura Malelaha

⁷ Malaeka iti mololita masisimbuku, nauli, “Mengkorumokau i Pue Ala hai nitoiami peawana tuwoNa. Lawi hawemi tempo pehukuaNa. Menombamokau i Pue Ala au mampopewali langi, tampo, tahi hai ope-ope ulu owai.”

Pampetudungia 14:7 ပူးပေါင်းရင်းမြစ်များ

Matiu 25:13

Napahopo Yesu ngkora pandiriNa node, “Ido hai hangangaa masilolongakau, lawi bara niisa kaimpirana kahaweNgku.”

Lukasi 17:18

Moapari pane hadua pea au mesule manguli ngkaia kamaroana i Pue Ala? Hai ia bara to Yahudi!”

Suro 14:15

“Ee! Apari dide au nibabehi? Ide ikami, manusia biasa pea woringkai nodo ikamu. Maingkai mobambari Ngkora Marasa irikamu bona nikabaha penombami i anitu au bara mobundu hai bona menomba peakau i Pue Ala au tuwo, lawi Iami au mampopewali langi, tampo, tahi hai hinangka ihi dunia.

1 Peturu 4:7

Halalu, kahopoa dunia ide hungkumi hai ope-ope ihina ina matanta. Ido hai hangangaa mainga-ingakau hai nipamanoto pekirimi bona peisakau mekakae.

Pampetudungia 11:13

Tempo iti, unga pea kelinu mahile. Hangkira hampulo hangko i wanua iti magero, hai pitu sabuna tauna mate. Langa mpuumohe tauna ntanina, ido hai motoiahe Pue Ala, rauli, “Mahile mpuu kuasana Pue Ala au i suruga!”

Pampetudungia 11:18

Ope-ope tauna au barahe meula Irio, mohihomohe moewaKo. Agaiana hawemi tempona Nupopaitaahe karumpuMu. Hawemi tempona Nubotusi kara-karanda tauna au mate. Hawemi tempona nabi au mobambari NgkoraMu, tauna au meula Irio hai ope-ope tauna au mobilaKo, maroa au mahile ba au koi tuwonda, Nuhurungi babehianda au maroa. Hawemi tempona Nuhuku tauna au mopakarugi dunia ide.”

Pampetudungia 15:4

Pue, hema pae au bara meula Irio? Hema pae au bara mopangaku kamasukuna tuwoMu? Lawi Oio pea au malelaha. Ope-ope tauna batena menomba Irio, Lawi tongawami katouna pobotusiMu i hinangkana.”

Pampetudungia 16:9

Mararumohe tauna hangko i kamapanana alo au makere ntepuu, ido hai mopapakoimohe Pue Ala, lawi Ia au makuasa i kapari iti. Barahe menoso hangko i dosanda, hai barahe mopangaku peawana tuwona Pue Ala.

Pampetudungia 18:10

Ina ratotoki ngkarao pearai lawi langahe nalelehi pepopeahi-ahi au morumpa wanua iti. Hai mololitahe, rauli, “Hurewu-hurewumi wanua Babeli au mahile hai maroho! Hampalai pea, tunami anti pehukuna Pue Ala.”

Pampetudungia 18:17

Agaiana peawanda au ngkaia iti, hampalai pea tunami!” Ope-ope tauna au mohaokihe katuwonda i tahi, maroa au moanti kapala tahi, maroa topobago i kapala hai ope-ope tauna au mesawi i kapala, metotoki ngkarao pearaihe

Pampetudungia 18:19

Ina moawuihei waanda tanda kamasusana lalunda. Ina moteriahe hai mongangahe, rauli: “Hurewu, hurewumi wanua Babeli au mahile hai maroho! Anti peawanda to Babeli, ido hai ikita ope-ope au mobago i kapala tahi mewalike tauna au pebuku. Agaiana peita: hampalai pea, wanua iti tunami!”

Pampetudungia 19:5

Roo ido, kuhadi hambua wotu au mololita hungku i kadera kadatua iti, manguli, “Toiami Pue Ala Amputa, ikamu ope-ope au mewali hawiNa! Nitoiami Pue Ala, ikamu au mengkoru Iria, maroa au koi tuwomi ba au mahile tuwomi!”

Pampetudungia 4:11

“Ampuki, Pue Ala! Oiomi au hintoto ratoia hai rabila. Oio pea au makuasa! Lawi Oio au mampopewali hinangkana. Anti peundeaMu, Nupopewali hai Nupatuwo hinangkana au ara.”

Pampetudungia 4:9

Bela-belanda pinatuwo iti manguli ngkaia kamaroana, mobila hai motoiahe hangana Hadua au mohuda i kadera kadatua hai au tuwo hawe i hae-haena,

Pampetudungia 8:10

Malaeka au katalu motawue worimi tatamburuna, hai unga pea manawo hangko i langi haogu betue mahile au rore nodo hulu. Betue iti monawongi hangkira talu hangko i ulu owai hai halu.