Pampetudungia 14:15 - Sura Malelaha

¹⁵ Roo indo, ara hadua malaeka ntanina au hawe hangko i Souna Pue Ala. Ia mololita masisimbuku i tauna au mohuda i wongko gawu iti, nauli, “Nutewokami kandaoMu hai meparemoKo! Tempo mepare hawemi, lawi ihi dunia mangkami.”

Pampetudungia 14:15 ပူးပေါင်းရင်းမြစ်များ

Matiu 13:30

Pogiangaa peami dana tuwo hihimbela hai pare, duuna tempota mepare. I tempo iti, ina kutuduhe topepare mowuka hampai dana, ragulu, raboke hai rahuwe. Roo indo, hangko raguluri pare, hai rawoli i lalu tambaru’.”

Matiu 13:39

Iwali au mohawu dana, iami Datu Tokadake. Tempo pepare, lempona alo pebotusi i kahopoa dunia. Hai topepare, lempona malaeka.

Matiu 23:32

Mewali, nipaliliu peami mobabehi dosa moula babehianda toiorumi!

Markus 4:29

Ane mangkami, laomi ampuna mampepare, lawi temponami rapepare.”

1 Tesalonika 2:16

Lawi mohomboki liliuhe rarangki bona datingkai mopahawe Ngkora Marasa i tauna au barahe to Yahudi au peisa mohoremahe hangko i dosanda. Mewali, anti ope-ope babehianda au kadake, melumbu mpuumi dosanda, hai molambihe karumpuna Pue Ala.

Pampetudungia 11:19

Hangko indo, tebungkahimi baba Souna Pue Ala i suruga, hai i lalu SouNa raita Peti Podandi. Liliu mombehangkemi kila, kegumpatami, kelinu, hai toami uda mowua au rumihi.

Pampetudungia 13:12

Hai ope-ope kuasa hangko i binata au hawe nguru-nguruna, napopolumao binata karombaana iti. Binata au karombaana iti mopasimbuku ope-ope tauna au maida i dunia bona menombahe i binata au nguru-nguruna au raita, hangkoia ara belana agaiana maohami.

Pampetudungia 14:14

Hangko indo, kuitami gawu au bula. Hai i wongko gawu iti, mohudami hadua tauna, lenggeNa nodo Ana Manusia. I waaNa ara songko bulawa, hai taieNa, mokingki hamata kandao au mataru.

Pampetudungia 14:16

Hangko inditi, tauna au mohuda i wongko gawu iti motewoka mpuumi kandaoNa, hai mampeparemi ihi dunia.

Pampetudungia 14:17

Roo indo, kuitami malaeka ntanina au mesuwu hangko i Souna Pue Ala au i suruga mokingki wori kandao au mataru.

Pampetudungia 14:18

Hai hawe worimi hadua malaeka au ntanina, iami au mokampai api i meja pointua dupa. Malaeka iti mololita masisimbuku i malaeka au mokingki kandao au mataru, nauli, “Nutewokami kandaomu hai nuhambekimi wua anggoro i dunia, lawi mangkami.”

Pampetudungia 15:6

Hai pitu malaeka au moanti pitu pakana pepopeahi-ahi mesuwuhe hangko i Souna Pue Ala. Hampinda rababehi hangko i bana au bula meningki hai au mengkila-ngkila. Pondanda rawewehi bulawa au nodo pampou.

Pampetudungia 16:17

Roo indo, malaeka au kapitu mobumbuhami ihi pambolia karumpuna Pue Ala i laerawa. Hai hangko i kadera kadatua i lalu Souna Pue Ala i suruga, kuhadimi hambua wotu au mololita masisimbuku, Nauli, “Hopomi!”

Pampetudungia 6:10

Mongangahe masisimbuku, rauli, “O Pue au makuasa, Pue au malelaha hai manoto! Hangkia mani kamahaena, hangko Nuhukurihe tauna au kadake au maida i dunia? Kiperapi bona Nuhurungi babehianda au mopapatengkai.”