Pampetudungia 13:8 - Sura Malelaha

⁸ Ope-ope tauna au maida i dunia menomba iria. Au bara menomba iria, batena pearaihe tauna au teuki hanganda i lalu Sura Ngkatuwo hangko damani dunia rapopewali. Sura Ngkatuwo iti, iami surana Ana Dimba au rasambale. I lalu sura iti, teuki hanganda tauna au molambi katuwo maroa au bara mokahopoa.

Pampetudungia 13:8 ပူးပေါင်းရင်းမြစ်များ

Matiu 25:34

Hai Iko Datu, Kuuliangaahe au ntanda i koanaNgku, ‘Maimokau au nawati UmaNgku! Mesuamokau i lalu poparentaKu. Paidaami Kupasilolonga amiamokau hungka i pewalina dunia hangkoia.

Lukasi 10:20

Agaiana nauri nodo, inee nipokatana pengkorunda seta irikamu. Aginari nipokatana kateukinami hangami i lalu suruga.”

Yohane 1:29

Kahalona, Yohane moitami Yesu mai iria. Nauli i tauna bosa, “Nipeita! Oloumi mai Ana Dimba au napasilolonga Pue Ala. Iami au ina mopahuru watanta, mohuru dosanta.

Epesu 1:4

Hangko damani dunia rapopewali, Napileimoke Pue Ala mohintuwu hai Kerisitu bona mewalike taunaNa au malelaha au bara ara kamasalanta i peitaNa.

Pilipi 4:3

Hai kuperapi irikamu rangangku hampopobago (Sunsugos) au tetida lalumi, nitulungi wohiraia towawine au rodua iti bona ineehe mosisala. Tangangku mani hihimbela hai ikamu, madotahe mamporangaina mopahawe Ngkora Marasa hihimbela hai Klemens hai rangangku au ntanina au hampopobago. Hanganda ope haha teuki i lalu Sura Ngkatuwo.

Titu 1:2

Ido hai taharunga kaina molambita katuwo maroa au bara mokahopoa, nodo au nadandiake Pue Ala hangko damani dunia ide Napopewali. Hai Pue Ala bara modongko.

Pampetudungia 12:15

Hangko indo, naga iti mohoparaka owai au ngkaia mototoi towawine iti bona maili.

Pampetudungia 13:12

Hai ope-ope kuasa hangko i binata au hawe nguru-nguruna, napopolumao binata karombaana iti. Binata au karombaana iti mopasimbuku ope-ope tauna au maida i dunia bona menombahe i binata au nguru-nguruna au raita, hangkoia ara belana agaiana maohami.

Pampetudungia 17:8

Hangkoia tuwo, hai ide-ide barapi ara, agaiana ina mesuwu hule hangko i kabe ngkapate au bara tehoka kakaladuna. Hai roo indo, ina rahuku mate. Tauna au maida i dunia au bara teuki hanganda i lalu Sura Ngkatuwo hangko damani dunia rapopewali, ina tingkarahe moita binata iti. Lawi hangkoia tuwo, ide-ide barapi ara, agaiana hambela tempo ina hawe hule.

Pampetudungia 21:27

Agaiana apa au merikai bara mpuu peisa mesua i lalu. Mewali, tauna au mobabehi dake ba au modongko, barahe peisa mesua. Au peisa mesua, batena pea tauna au teuki hanganda i lalu Surana Ana Dimba, sura poukia hanganda tauna au molambi katuwo maroa au bara mokahopoa.

Pampetudungia 3:10

Anti kanipeulaina hawaNgku au manguli hangangaa mantahakau, ido hai ina Kupeparaikau hangko i kapari au ina morumpa humalele dunia. Ope-ope tauna au maida i dunia, ina rapetandakahe i tempo kapari iti.

Pampetudungia 3:20

Peita! MeangkaNa i baba hai Kutidongko. Ane ara au mohadi wotuNgku hai nabungkahiaNa, ina mesuaNa i lalu hai maidaNa indo hihimbela hai ia. Ina maandeNa hihimbela hai ia, hai ia wori ina maande hihimbela hai Iko.

Pampetudungia 3:5

Hema au menangi, ina Kubaduiahe hampi au bula. Hanganda bara ina Kugewo hangko i Sura Ngkatuwo, sura poukia hanga tauna au molambi katuwo maroa au bara mokahopoa. Hai i lindona UmaNgku hai malaekaNa, ina Kupangaku kaihirana taunaNgku.

Pampetudungia 5:12

Monanimohe malaeka iti masisimbuku, rauli, “Ana Dimba au rasambale, hintoto mpuu tabila hai tatoia, tapomahile hangaNa, tabambari kamarohoNa, tapolinga peawaNa, takatuinao kamapandeNa, hai tapatolele kamakuasaNa!”

Pampetudungia 5:13

Hangko indo, kuhadi worimi ope-ope au ara i suruga, i dunia, i lapi tampo hai i lalu tahi; ope-ope au tuwo monanimohe node: “Hadua au mohuda i pohudaa datu hai Ana Dimba, tatoia, tabila, tapakahile peawaNda hai tabambari kuasaNda hawe i hae-haena!”

Pampetudungia 6:1

Roo indo, kuitami Ana Dimba mobungkahi pene au kaisa hangko i pitu pene iti. Kuhadi hambaa hangko i pinatuwo au iba iti mekakio masisimbuku nodo pomoni gumpata, nauli, “Maimoko!”