Pampetudungia 13:2 - Sura Malelaha

² Binata au kuita iti, lenggena nodo lengge binata macan tutul, agaiana bitina nodo biti berua hai humena nodo hume singa. Hai naga mowei binata au kadake iti poparentana, kamarohona hai kuasana au mahile.

Pampetudungia 13:2 ပူးပေါင်းရင်းမြစ်များ

2 Timotiu 4:17

Nauri bara ara rangangku au mamporangaina, agaiana naporangai liliuna Pue. Naweina karoho mopahopo bagongku mopahawe Ngkora Marasa bona ope-ope tauna au barahe to Yahudi peisahe mohadi bambari iti. Kahopoana, tekabahana hangko i kapate.

1 Peturu 5:8

Hangangaa manoto pekirimi hai mainga-ingakau! Lawi Datu Tokadake au mewali iwalimi molulumao nodo hambaa singa au melolo-lolo mohahaoki tauna au ina nahaka. Hangko pelolonato, melangakimi.

Pampetudungia 12:13

Kanaisana naga iti karatendenami i dunia, ia mowulai towawine au mampopesupa Anangkoi tobalilo iti.

Pampetudungia 12:15

Hangko indo, naga iti mohoparaka owai au ngkaia mototoi towawine iti bona maili.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.

Pampetudungia 13:12

Hai ope-ope kuasa hangko i binata au hawe nguru-nguruna, napopolumao binata karombaana iti. Binata au karombaana iti mopasimbuku ope-ope tauna au maida i dunia bona menombahe i binata au nguru-nguruna au raita, hangkoia ara belana agaiana maohami.

Pampetudungia 13:4

Menombamohe i naga, lawi ia au mowei kuasa i binata au kadake iti. Hai menomba worimohe i binata iti, rauli, “Hema au himbela hai kamakuasana? Hema au peisa moewa binata iti?”

Pampetudungia 16:10

Malaeka au kalima mobumbuhami ihi pambolia karumpuna Pue Ala i kadera kadatuana binata au kadake iti. I humalele kadatuana, unga pea makaindi, hai ope-ope tauna mokekimohe dilanda anti pantodihanda.

Pampetudungia 17:12

Tandu au hampulo au nuita inona, lempona hampulo datu au bara mani mepongka moparenta. Datu au hampulo iti ina raweihe tempo moparenta hihimbela hai binata iti, agaiana poparentanda hampalai pea.

Pampetudungia 19:20

Kahopoana binata au kadake iti rahaka hihimbela hai nabi au mepawuli iti. Ihira, ratendehe i lalu tahi api au lolaa hai au mawaa. Nabi au mepawuli iti, iami au mobabehi tanda kuasa hai kuasana binata au kadake. Anti tanda kuasa iti, ia mopakanawohe tauna au modoko tanda binata hai au menomba i lengge binata iti.

Pampetudungia 2:13

Nauli: Kuisa iumba paidaami. Maidakau i wanua pohudaana Datu Tokadake. Agaiana nipangaku liliuNa. I karapapatena sabiNgku Antipas, bara nisapuaka kanipoinalaiNgku. Antipas iti iami sabiNgku au mopangaku liliuNa duuna rapapate i boeami au nakuasai Datu Tokadake.

Pampetudungia 20:2

Malaeka iti mohaka naga; iami ile au arami hangkongkoiana, au rahanga Datu Tokadake ba Tadulako Seta. Roo indo, nahilumi hai rante, hai natende i lalu kabe ngkapate au bara tehoka kakaladuna. Nagilimi babana hai napene dati rabungkahi i lalu hasabu parena kamahaena. Mewali, Datu Tokadake iti bara peisa mopakanawo manusia i lalu hasabu parena. Ane liu tempo iti, hangangaa rakabaha sangka.