Pampetudungia 13:17 - Sura Malelaha

¹⁷ Bara ara hadua tauna au peisa meholo ba mobalu-balu ane bara ara tanda iti i taiena ba i wingkena. Tanda binata iti, iami hangana binata au nguru-nguruna ba angka au lempona hangana.

Pampetudungia 13:17 ပူးပေါင်းရင်းမြစ်များ

Galatia 6:17

Kahopoana, kuperapi bona datipi ara au mopakasusana. Lawi lari i watangku ide mopakanoto kaikona surona Pue Yesu.

Pampetudungia 13:16

Ope-ope tauna natudu bona modokohe tanda binata au nguru-nguruna. Tanda iti hangangaa rawoli i taie koananda ba i wingkenda. Mewali, ope-ope tauna, maroa au mahile ba au koi tuwonda, au pebuku ba au meahi-ahi, au hawi ba au bara hawi, ope-opehe napari-pari bona modoko tanda binata iti.

Pampetudungia 13:18

Hangangaa taperapi kanoto lalu hangko i Pue Ala bona taisa lempona lolita ide. Hema au mapande, peisahe moimba hai moisa lempona angka binata iti. Lawi angka iti, iami hangana hadua tauna. Hai angka iti iami ini atuna ini pulona hai ini.

Pampetudungia 14:11

Rambu api au mampopeahi-ahihe ina mengkaore liliu hawe i hae-haena. Maroa mabaa ba kaindi, tauna iti ina rapopeahi-ahi liliuhe, lawi menombahe i binata au kadake hai i lengge binata iti, hai modokohe tanda hangana binata iti.”

Pampetudungia 14:9

Roo indo, meusu mbuli malaeka au katalu, hai mololitami masisimbuku, nauli, “Hema-hema au menomba i binata au kadake hai i lengge binata iti, hai hema-hema au modoko tanda binata iti i wingkenda ba i taienda,

Pampetudungia 15:2

Hai kuita ara au nodo tahi kamaembana, lenggena nodo kaca mogalo api. Hai i wiwi ntahi au nodo kaca iti, kuita bosa tauna meangka. Tauna iti au monangihe binata au kadake, lawi barahe menomba iria, barahe menomba i lengge binata iti, hai barahe modoko lamoro au mopahuru hangana. Tauna au menangi iti, meangkahe i wiwi ntahi au nodo kaca, hai mokingkihe kecapi au naweihe Pue Ala.

Pampetudungia 17:5

I wingkena, teuki hanga au tewuniangi lempona, node: “Wanua Babeli au Mahile, inanda ope-ope tauna au kadake babehianda hai pentumbuana mampopengaa babehia au bara hintoto i dunia.”

Pampetudungia 20:4

Roo indo, kuita bahangkia kadera kadatua au rapohudai tauna au raweihe kuasa mobotusi kara-kara. Kuita wori tanoananda tauna au rabohoki tambolonda anti popangakunda kaYesuna Ampunda hai popahawenda Ngkorana Pue Ala. Tauna iti, barahe hambela menomba i binata au kadake ba i lengge binata iti, hai bara worihe modoko tanda binata i wingkenda ba i taienda. Ido hai tuwo hulehe hai moparentahe hihimbela hai Kerisitu i lalu hasabu parena.

Pampetudungia 22:4

hai raita lindoNa. Hangana Pue Ala teuki i wingkenda.

Pampetudungia 3:12

Hema au menangi, ina kupopewalihe arii i Souna Pue Ala i suruga. I watanda ina Kuuki hangana Pue Ala UmaNgku hai hangana wanuana Pue Ala. Wanua iti iami Yerusale au wou au mendaulu mai hangko i suruga hangko i Pue Ala UmaNgku. Nodo wori ina Kuuki i watanda hangaNgku au wou.

Pampetudungia 7:3

“Inee hampai nipakarugi tahi, lorena hai pandulu, ane bara mani kiwoli tanda i wingkenda taunana Pue Ala Amputa, datihe narumpa rugi iti.”