Pampetudungia 12:12 - Sura Malelaha

¹² Ido hai matanamokau, ikamu au maida i suruga. Agaiana hurewumokau, ikamu au maida i humalele dunia, lawi Datu Tokadake mendaulumi lao irikamu. Rumihi kamasodona, lawi naisa, tempona barapi mahae.”

Pampetudungia 12:12 ပူးပေါင်းရင်းမြစ်များ

Lukasi 15:10

Nodo wori kamatananda malaekana Pue Ala mampokatana hadua tomadosa au menoso hangko i dosana.”

Lukasi 2:14

“Tetoiami Pue Ala au i suruga! Tauna i dunia au napokatana Pue Ala ina molambihe roa ngkatuwo.”

Ibarani 10:37

Barapi mahae, ina tepabukei Ngkorana Pue Ala au manguli: “Au ina mai batena mai, KahaweNa bara ina molia-lia.

2 Peturu 3:8

Arahe tauna au manguli, “Mahae gaga kahawena hule Pue Yesu.” Agaiana, ikamu halalungku au kupokaahi, hampaka ide inee mpuu naliu inaomi: i lalu peitana Pue, hasabu parena himbela pea hai hangalo, hai hangalo himbela pea hai hasabu parena. Katouana Pue bara mokaweweangi popabukeina dandiNa. Anti kasabaraNa irikamu, ido hai bara mani hawe ide-ide. Bara naunde Pue ane ara hadua tauna au rahuku. PeundeaNa bona ope-ope tauna menoso hangko i dosanda.

Pampetudungia 10:6

mosumpa i lalu hangana Pue Ala au tuwo hawe i hae-haena, au mampopewali langi, tampo, tahi hai hinangka ihina. I posumpana, nauli node, “Ane malaeka au kapitu motawue tatamburuna, i tempo iti Pue Ala ina mampopewali tunggaiaNa au mahaemi tewuniangi moula apa au Napololita hangkoia i nabi au moantihe NgkoraNa. Ope-ope iti ina rapaholigami pewalina.”

Pampetudungia 11:10

Tauna kadake au maida i dunia ina mampokatana kapatenda nabi au rodua iti. Ina mosusahe hai mombeparaseengihe, lawi nabi au rodua iti, au mampopeahi-ahihe hangkoia, matemohe.

Pampetudungia 11:14

Mewali, liumi kahurewu au karompakana. Agaiana ara mani hampaka kahurewu au ina meusu.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.

Pampetudungia 13:6

Ia mopapakoi Pue Ala—hangaNa hai paidaaNa (paidaaNa iami ope-ope au maida i suruga).

Pampetudungia 18:20

Hangangaa matanakau, ikamu au maida i suruga. Nipokatanami kamagerona wanua Babeli! Hangangaa matanakau, ikamu taunana Pue Ala, ikamu ope-ope suroNa hai nabiNa! Lawi Pue Ala mohukumohe to Babeli, mohurungi babehianda au kadake irikamu.

Pampetudungia 8:13

Hangko inditi kuita, ara hambaa tadasingkaia au membaro i laerawa. Kuhadimi tadasi iti mololita masisimbuku, nauli, “Hurewu! Hurewu! Hurewumohe tauna au maida i dunia, ane talu malaeka au kahopoana motawue tatamburunda.”

Pampetudungia 9:12

Kahurewu au nguru-nguruna liumi. Agaiana ara mani rompaka kahurewu au ina meusu.