Pampetudungia 12:1 - Sura Malelaha

¹ Roo indo, kuita i langi hambua tanda au mewulungai: ara hadua towawine au hampina nodo pewangka alo hai i woi bitina ara wula. I waana ara songko au rababehi hangko i hampulo hai roogu betue.

Pampetudungia 12:1 ပူးပေါင်းရင်းမြစ်များ

Matiu 12:38

Roo indo, bahangkia guru agama hai toParisi mouliangaahe Yesu, “Guru, kipeinao moita tanda kuasa au Nubabehi bona kiisa kahangko i Pue Alana mpuuKo.”

Matiu 24:30

I tempo iti, ina ara tanda i langi au mampopaisa kahaweNgku, Iko Ana Manusia. Hai ope-ope tauna i dunia ina moteria, lawi raitaNa mai i wongko gawu. Ina makuasaNa hai meawa ntepuuNa.

Markus 13:25

Ope-ope au makuasa i langi ina rumihi kamagunegonda.

Lukasi 21:11

Iumba pea ina ara linu rimihi, haki, hai rimi. Hai batena ara wori tanda i langi au melangaki.

Lukasi 21:25

“I alo, i wula hai i betue, ina ara tanda-tanda au metingkarai. Ope-ope tauna i dunia, ina langa hai wulihe moita balumba tahi hai mohadi pogumuruna tahi.

Yohane 3:29

Napaliliu Yohane lolitana, nauli, “Pandirina i posusa petauna, torabua tobalilo mewali patoa posusa lawi torabua towawine iami ampuna. Topeporangaina meangka pea i holana mampehadingi hawana, hai matana mpuu ane mohadimi lolitana toratauna tobalilo. Nodo wori iko, nodona tauna au meporangai iti, rumihi mpuu kamatanangku mohadi lolitana Yesu.

Suro 2:19

Ina kupopaitaakau au metingkarai i langi hai tanda kuasa i dunia, nodo wahe hai api hai rambu au moramuku.

Roma 13:14

Hangangaa tapeulai babehiana Pue Yesu Kerisitu i lalu katuwonta, inee tapeulai peundeana lalunta au kadake.

Roma 3:22

Pue Ala mopamanotoke i peitaNa ane mepoinalaike i Yesu Kerisitu. Iti Nababehi i ope-ope tauna au mepoinalai, barake Napopontani-ntani.

2 Korintu 11:2

Mohirina lawi arahe tauna au mampeinao moalakau hangko iriko. Agaiana pohiringku ide hintoto hai peundeana Pue Ala. Lawi ikomi au nguru-nguruna moantikau mepoinalai i Kerisitu. Peundeaku bona mepoinalai liliukau i Kerisitu, lawi ikamu peisa rapandiri nodo anantowawine au ina kutauna hai hadua tobalilo, iami Kerisitu.

Galatia 3:27

Lawi ikita ope-ope rariumoke mewali tauna au mohintuwu hai Kerisitu, ido hai manotomoke i peitana Pue Ala hai Naimbamoke himbela hai Kerisitu.

Galatia 4:26

Agaiana Sara iami towawinena Burahima au bara hawi. Ia nodo wanua Yerusale au i suruga. Sara itimi au tapoina, lawi tekabahamoke hangko i Aturana Musa; barapoke napohawi Atura iti.

Galatia 6:14

Agaiana iko, bara kuunde rapomahile i raoa hangko i kapatena Pue Yesu Kerisitu i kau mombehape. Lawi ope-ope au peisa raita i dunia ide hai au raimba mahile holona barapi ara bunduna iriko. Hai tauna i dunia ide, bara ara au tedii lalunda i apa au kupomahile.

Epesu 5:32

Lolita ide, kaladu ntepuu lempona. Tunggaiaku ide iami kana i pohintuwuna Kerisitu hai taunaNa.

Pampetudungia 1:20

Pitu oguna betue au nuita i taie koanaNgku hai biti hulo bulawa au pitu mbuana, ina Kupakanotoako lempona: betue au pitu oguna, lempona pitu tadulako au mokadipura pitu jumaa. Hai biti hulo bulawa au pitu mbuana, lempona pitu jumaa.”

Pampetudungia 11:19

Hangko indo, tebungkahimi baba Souna Pue Ala i suruga, hai i lalu SouNa raita Peti Podandi. Liliu mombehangkemi kila, kegumpatami, kelinu, hai toami uda mowua au rumihi.

Pampetudungia 12:3

Ara mani hambua tanda au raita i langi. Ara hambaa naga au malei. Naga iti, mahile ntepuu, mowaa pitu hai motandu hampulo. I ope-ope waana ara songko datu au koi.

Pampetudungia 15:1

Roo indo, kuita mbulimi i langi hambua tanda au mahile hai au mewulungai: pitu malaeka hai pitu pakana pepopeahi-ahi au kahopoana. Ane hopomi pepopeahi-ahi ide, opemi karumpuna Pue Ala i tauna i dunia.

Pampetudungia 21:14

Bente wanua iti raaro i wongko watu au hampulo hai roogu, hai i haogu-haogu watu iti, teuki hanganda hadua surona Ana Dimba au hampulo hai rodua.

Pampetudungia 21:23

Wanua iti bara paraluu nasimbaki alo ba wula, lawi peawana Pue Ala mopamabaa wanua iti, hai Ana Dimba mewali nodo hulo wanua.