Pampetudungia 11:9 - Sura Malelaha

⁹ Tauna hangko i humalele dunia, hangko i ope-ope kadatua, ope-ope pemulea hai hinangkana basa ina moitahe tomate au rodua iti i tanga rara. I lalu talu alona hantanga rapalikangaahe nodo, lawi bara rakira ratawu.

Pampetudungia 11:9 ပူးပေါင်းရင်းမြစ်များ

Matiu 7:2

Lawi hoka au nipake i hangka rangami, iti wori au ina rahokaakau. Lempona, ane mobotusikau rangami, nodo wori Pue Ala ina mobotusi kara-karami.

Pampetudungia 10:11

Roo indo, nauliangaana, “Hangangaa nupahawe mbuli lolitana Pue Ala. Hangangaa mopahaweko kana i ngkaia datu hai tauna hangko i ngkaia kadatua, ngkaia pemulea hai ngkaia pakana basa.”

Pampetudungia 11:11

Agaiana kaliuna talu alona hantanga, hawemi inao hangko i Pue Ala au mepatuwo. Inao iti mesua i watanda, alana tuwo hulehe; ido hai mearohe hai meangkahe. Hangko indo, rumihimi kalanganda ope-ope tauna au moita apa au mewali.

Pampetudungia 13:7

Ia rapaliu wori mampombealaahe taunana Pue Ala hai nanangihe. Hai ia rapogiangaa mokuasai tauna i humalele dunia, ope-ope tauna hangko i ope-ope kadatua, ope-ope pemulea hai hinangka basa.

Pampetudungia 17:15

Nauli mbuli malaeka iti iriko, “Owai au nuita inona, pohudaa towawine au merikai babehiana iti, lempona tauna au hangko i humalele dunia, tauna hangko i ope-ope kadatua hai hinangkana basa.

Pampetudungia 5:8

KaNaalana sura iti, pinatuwo hai totosae au rompulo hai iba molingkudumohe motumpa i lindona Ana Dimba. Ope-opehe mokingki kecapi hai mangko bulawa au buke hai anu-anu mawongi au rauli dupa. Dupa iti, lempona pekakaenda taunana Pue Ala.

Pampetudungia 5:9

Monani-nanimohe hambua nani au wou, rauli: “Oiomi au hintoto modoko sura iti hai mobungkahi penena lawi rapapatemoKo; Hai waheMu au mabubu i kapateMu, Nupopoholomohe tauna i humalele dunia, i ope-ope kadatua, i ope-ope pemulea hai i hinangka basa. Hai Nuhuhuhe i Pue Ala.